Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kur tre motrat e mbretit Zog vizitonin Uashingtonin dhe Faik Konica nervozohej me paparacët

Politiko 20 Gusht 2017, 13:00

Gazetari i “Zërit të Amerikës”, Ilir Ikonomi, sjell në vëmendje të lexuesve një fakt interesant, kur tre motrat e mbretit Zog vizituan SHBA, më 5 mars 1938 dhe që u pritën nga presidenti amerikan Ruzvelt. Gjithashtu, poston edhe një pjesë nga shkrimi që shoqëron ngjarjen në fjalë,  i botuar në gazetën “Washington Times” të datës 5 mars 1938, që flet për vizitën e tre motrave të Mbretit Zog në Uashington. Titulli: “Kryeqyteti sot në paqeë personalitetet mbretërore i prishën qetësinë”. Nëntitulli: “Kërshëria amerikane dhe fotografët i ngrejnë nervat emisarit të Shqipërisë”.

Princeshat shqiptare, Ruhije, Mexhide dhe Myzejen arritën më 4 mars në stacionin hekurudhor të Uashingtonit, të shoqëruara nga ministri i Shqipërisë në SHBA, Faik Konica. Ja disa paragrafë nga gazeta:

“Shkëlqesia e tij (Faik Konica) u nervozua shumë dhe lëshoi fjalë të hidhura për ‘kuriozitetin’ e amerikanëve dhe për paturpësinë e fotografëve, blicet e të cilëve ua prishën sytë princeshave. Megjithatë, ai lejoi që ato të pozonin, gjë që princeshat e bënë me fytyra të mërzitura. Policia speciale në stacion gati sa nuk u përlesh me fotografët dhe për një çast u duk sikur princeshat do të priteshin me një skenë grushtash siç ka qenë zakoni i vjetër i amerikanëve. Ato i futën shpejt në një automobil që i çoi drejt e në Hotelin Mayflower, në suitën mbretërore të rezervuar për Dukën dhe Dukeshën e Uindsorit, të cilët e kishin anuluar vizitën. Princeshat pinë çaj në Shtëpinë e Bardhë me zonjën Ruzvelt dhe në dhomë hyri Presidenti për t’i takuar në shenjë respekti.”

Të fundit