Flash News

EMRI/ Gjendet i vdekur në lumin Devoll i moshuari, pistat e hetimit

Nga terreni në letër, Rama paralajmëron reformë të re për "tokat e xanuna"

Dyshohet se është vrarë, del foto e 23-vjeçarit që u gjet i vdekur në liqenin e Shkopetit

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

KRYESORE

Kurti: Me marrëveshjen e 4 shtatorit u krijua “Jugosllavia e Katërt”, ka ardhur koha e VV-së

Politiko 27 Shtator 2020, 18:45
Kurti: Me marrëveshjen e 4 shtatorit u krijua “Jugosllavia e

Kreu i Lëvizjes Vetëvendosjes, Albin Kurti në fjalën e tij përpara Këshillit të Përgjithshëm të partisë ka deklaruar se me marrëveshjen ekonomike me Serbinë të nënshkruar më 4 shtator në Uashington u krijua “Jugosllavia e Katërt”.

Sipas Kurti, shqiptarët, si të Kosovës dhe Shqipërisë në këtë Jugosllavi të katërt, siç e quan ai, do të jenë vetëm konsumatorë të mallrave serbe.

“Kjo nuk është gjë tjetër, veçse një përpjekje për Jugosllavinë e katërt siç e kemi thënë ngahera. Ajo nuk po bëhet me ushtri si dikur, por po bëhet me mjete të neoliberalizmit, me rrugë e hekurudha që e nxjerrin Beogradin në Adriatik. Shqiptarët, të Kosovës e të Shqipërisë, në këtë Jugosllavi të katërt, do të jenë vetëm konsumatorë të mallrave serbe, e do të shpresojnë të marrin tarifa rrugore prej kamionave të Serbisë.

Sepse prodhuesit tanë do të mbeten të pambrojtur, e shteti nuk do të ketë mundësi të nxisë ekonominë vendore. Serbia veç këtyre, fitoi edhe rehabilitimin e plotë para syve të Amerikës. Kishte dekada që një president i Serbisë nuk shkonte në Shtëpi të Bardhë, e tash e dërguan dhe e mundësuan këta një gjë të tillë” tha ai.

Për Kurtin tani ka ardhur koha e Lëvizjes Vetëvendosjes dhe sipas tij LDK dhe PDK kanë frikë nga zgjedhjet dhe demokracia.

“Kemi përballë një pushtet uzurpator, të qeverisë Koti e të kinse-opozitës PDK, të cilët kanë frikë nga zgjedhjet e nga demokracia. Pra, ata që dikur e frikësonin popullin, tash po ju frikësohen zgjedhjeve. Jo vetëm që s’guxojnë për zgjedhje të përgjithshme, por s’guxojnë as për zgjedhje në komunën e Besianës ku po i vonojnë e po i spostojnë ato. Ata janë të vetëdijshëm se kudo e kurdo që shpallen zgjedhjet, qendrore apo lokale, pushteti i tyre do të zvogëlohet drejt tretjes. Sepse ka ardhur koha e Vetëvendosje!-s” deklaroi ai.

Të fundit