Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kush është gjyqtarja që i dha lirinë ish-anëtarit të bandës së Durrësit, më herët liroi Genc Tafilin dhe “UFO-n”

Politiko 15 Janar 2020, 10:22

Një ‘valë’ reagimesh pati prej ditës së djeshme (14 janar) kur Gjykata Shkallës së Parë të Krujës vendosi të lirojë me kusht ish-anëtarin e bandës së Durrësit, Endrit Dokle.

Dokle ka qenë një ndër emrat më të përfolur të botës së krimit, ndërsa ishte i dënuar përjetë. 36 vjeçari ishte një ndër drejtuesit e “Bandës së Durrësit”, një nga organizatat kriminele më famëkeqe të vendit.

Sipas vendimit të Gjykatës, Dokle u lirua me kusht, duke e “vënë në provë për një periudhë prej 5 vitesh vjetësh.

“Gjykata e Shkallës së Parë Krujë me vendimin nr. 6/123 datë 14.01.2020 vendosi : “Pranimin e kërkesës së kërkuesit Endrit Dokle. Lirimin me kusht të kërkuesit Endrit Dokle, i biri i Mensurit dhe i Rahimes datëlindja 31.12.1983, lindur në Kukës dhe banues në Tiranë, duke e vënë në provë për një periudhë prej 5 (pesë) vjetësh. Në zbatim të nenit 60 pika 9 të Kodit Penal detyrohet Endrit Dokle që gjatë kohës së provës të mos shoqërohet me persona të caktuar kryesisht me të dënuar apo bashkëpunëtorë të veprës penale. Në zbatim të nenit 60 pika 10 e Kodit Penal detyrohet kërkuesi Endrit Dokle që gjatë periudhës së provës të mos zotërojë, mbajë apo përdorë armë. Urdhërohet kërkuesi Endrit Dokle të mbajë kontakte me Shërbimin e Provës”, thuhet në njoftimin e gjykatës.

Megjithatë, vendimi është kundërshtuar me forcë nga Prokuroria, e cila ka kërkuar përjashtimin e gjyqtares Enkelejda Hoxha me arsyetimin se i njëjti trup gjykues ka dhënë vendime në favor të kërkuesit, kërkesë e cila nuk është pranuar nga gjykata.

Institucioni hetimor njoftoi se të gjitha kundërshtimet në lidhje me shkeljet procedurale si dhe zbatim të gabuar të ligjit Prokuroria Pranë Gjykatës së Shkallës së Parë Krujë do t’i parashtrojë në ankim brenda afatit ligjor.

Kush është gjyqtarja Enkelejda Hoxha?

Emri i saj nuk është i panjohur, pasi 3 vjet më parë, në muajin nëntor i dha lirinë shkodranit Genci Tafili, i cili ishte dënuar me 25 vite burg për vrasjen e kolonelit Arben Zylyftari, si dhe më vonë të Ilir Pajës.

[caption id="attachment_352088" align="alignleft" width="385"] GENC TAFILI[/caption]

Për rastin e lirimit të Genc Tafilit, Presidenti i Republikës, Ilir Meta kërkoi një procedurë verifikimi nga ana e KLD-së për gjyqtaren. Ajo rezulton se ishte proceduar nga KLD-ja edhe më parë me vërejtje për largim nga detyra.

Bëhet fjalë për mbledhjen e datës 15 prill të vitit 2014, ku ministri i Drejtësisë i asaj kohe, Nasip Naço, kishte kërkuar fillimisht shkarkimin e gjyqtares dhe largimin e saj nga trupa gjyqësore.

Por më pas, gjatë mbledhjes që u zhvillua me dyer të mbyllura, Këshilli i Lartë i Drejtësisë i dha një masë paralajmëruese.

Gjykatësja Enkelejda Hoxha është përfolur edhe për vendime të tjera që kanë ngjallur reagime, si në rastin e lirimit të Ilir Pajës.

I njohur me nofkën “UFO”, Paja akuzohej për arratisjet spektakolare nga burgjet italiane. Ai ka qenë person në kërkim ndërkombëtar, sepse ndaj tij është dhënë dënimi për një vrasje të kryer në Gjermani.