Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kush është kandidati potencial për të qenë kryeministri i ri i Japonisë?

Politiko 14 Shtator 2020, 13:07

Kush është kandidati potencial për të qenë kryeministri

Muajin e kaluar kryeministri i Japonisë, Shinzo Abe deklaroi se do të jepte dorëheqjen për shkak të disa përkeqësimeve shëndetësore dhe që prej asaj kohe janë aluduar shumë emra për të qenë kandidatë potencial për postin e kryeministrit. Yoshihide Suga është parë prej kohësh nga shumë analistë politikë si kandidati më i mundshëm për të zëvendësuar kryeministrin Abe.

Suga u votua si udhëheqësi i ri i Partisë Liberale Demokratike (LDP) në pushtet, duke siguruar rreth 70% të votave, duke hapur kështu rrugën që 71-vjeçari të bëhet kryeministër në një votim parlamentar që do të mbahet këtë javë.

Ish-ministri i jashtëm Fumio Kishida dhe ish-ministri i mbrojtjes Shigeru Ishiba ishin dy kandidatët e tjerë që garuan. Japonia nuk është një sistem presidencial, udhëheqësi i vendit zgjidhet nga parlamentarët dhe legjislatura kombëtare do të zgjedhë zyrtarisht kryeministrin të mërkurën.

Karriera e Suga dhe Abe kanë qenë të lidhura për gati një dekadë që kur ky i fundit u bë kryeministër në 2012.

Suga ishte krahu i djathtë i kryeministrit Abe gjatë gjithë kohës, duke shërbyer si sekretar i kabinetit të Kryeministrit, një rol ky i ngjashëm me atë të shefit të shtabit dhe sekretarit të shtypit.

Por nga ndryshojnë ata nga njëri-tjetri?

Abe ishte djali i një ministri të jashtëm, një prej figurave më të rëndësishme të Japonisë, ndërsa Suga është djali i një fermeri. U rrit në prefekturën rurale dhe u transferua në Tokio pas shkollës së mesme, ka bërë një sërë punësh të cuditshme deri sa i hyri politikës, gjeja që kishte dashur gjithmonë. Megjithëse i mungonin lidhjet dhe përvoja politike, ai e kompensoi atë me mendjelehtësi dhe punë të palodhur. Ai bëri fushatë derë më derë, duke vizituar rreth 300 shtëpi në ditë dhe 30,000 në total, sipas LDP. Në kohën kur zgjedhjet u zhvilluan, ai kishte veshur gjashtë palë këpucë.

Sot ai është i njohur si një operator i suksesshëm politik, të cilit mund t’i besosh për të bërë gjërat, cilësi që e bënin atë një krah të djathtë të shkëlqyeshëm për Aben.

Nëse zgjidhet kryeministër, Suga pritet të jetë si një "zëvendësues i Abe", tha Kazuto Suzuki, një profesor i politikës ndërkombëtare në Universitetin Hokkaido.

"Ai ka një histori shumë të mire. Ai është shumë një njeri i bërë vetë. Sidoqoftë, pyetja është shkalla në të cilën ai ka një personalitet që mund të shkëlqejë", tha Glosserman, autori i "Peak Japan”.

Çështjet kryesore, të tilla si borxhi masiv i qeverisë dhe një popullsi në plakje, janë shqetësuese pavarësisht thirrjeve publike të Abe për reforma për barazinë gjinore në vendin e punës, kritikët thonë se ai nuk arriti të adresonte hendekun gjinor të vendit ose të zgjidhte çështje që parandalojnë pjesëmarrjen më të madhe të grave në ekonomi dhe politikë.

Si sekretar i kabinetit kryesor, Suga shihej gjerësisht si një zëdhënës i suksesshëm sepse ai ishte në gjendje të komunikonte një mesazh pa e lënë në hije atë ose shefin e tij. Por e njëjta aftësi mund të provojë një problem në punën e lartë, në të cilën oratoria dhe karizma janë tipare të rëndësishme për të komunikuar një mesazh tek publiku.