Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kush është Këshilltari i shkarkuar nga Trump, qëndrimi kundër pavarësisë së Kosovës dhe telefonata ‘e paverifikuar’ me Ramën

Politiko 10 Shtator 2019, 19:22

Një vit më parë Presidenti amerikan Donald Trump njoftoi zëvendësimin e gjeneralit H.R. McMaster me John Bolton, ish-ambasador i SHBA në OKB për një vit. Nga muaji prill i 2018-ës Bolton u vendos në postin e Këshilltarit për Sigurinë Kombëtare të SHBA.

Sot, vetë Presidenti njoftoi shkarkimin e Bolton, përmes një postimi në rrjetin social twitter.

“E informova mbrëmjen e djeshme John Boltonin se shërbimet e tij nuk janë më të nevojshme në Shtëpinë e Bardhë. Nuk jam pajtuar më shumë prej këshillave dhe sugjerimet e tij”, shkruajti Trump.

Po ashtu ka ardhur edhe reagimi i Bolton, i cili u shpreh se ka qenë veë ai që ka kërkuar dorëheqje.

“Kërkova dorëheqje mbrëmë dhe Trump më tha të flasim nesër”, shkruajti në twitter John Bolton.

Qëndrimet e John Bolton për Kosovën dhe telefonata me Ramën

Emri i Boltonit është i lidhur edhe me politikën shqiptare. Për më tepër, ai ka qenë një kundërshtar i fortë edhe i shpalljes së pavarësisë së Kosovës. Në vitin 2008, Bolton kundërshtoi pavarësinë e Kosovës duke vlerësuar se vazhdimi i negociatave “është mënyra e vetme për ta ruajtur paqen dhe stabilitetin në rajon”.

“Precedenti i Kosovës mund të shndërrohet në problem për vendet e ish-Jugosllavisë dhe Europës që janë multietnike”, ka thënë ai në 2008-n për Zërin e Amerikës.

“Pasi çështja e statusit të Kosovës u zgjidh kundër vullnetit të Beogradit, por edhe të fuqive tjera, siç është Rusia dhe Kina nuk ka dyshim që me kalimin e kohës ky problem lokal do të mundë të çonte në tensione ndërmjet Uashingtonit dhe Moskës”, është shprehur disa vite më para Bolton.

Në ditën e fundit të janarit të 2019-ës, kryeministri Rama njoftoi për një telefonatë me ish- këshilltarin e presidentit Trump.

“Bisedë me Shtëpisë së Bardhë. Në fokus Shqipëria, rajoni dhe objektivi strategjik për një marrëveshje paqeje mes Kosovës e Serbisë, që të mbyllë konfliktin historik. Këshilltari për Sigurinë J.Bolton, më falenderoi në emër të Presidentit për qëndrimet konsekuente të Shqipërisë”, njoftonte Rama.

Për këtë telefonatë pati reagime në media, me theksin se mund të mos ishte e vërtetë. Në studion televizive u fol se kjo mund të një ‘fake news’ e kryeministrit, për sa kohë nuk doli një qëndrim zyrtar i ish-këshilltarit të presidentit amerikan.