Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kush është ministri i ri i Jashtëm i Gjermanisë? Heiko Maas pritet t’i vështirësojë punën qeverisë shqiptare për hapjen e negociatave

Politiko 9 Mars 2018, 13:03

Kush është ministri i ri i Jashtëm i Gjermanisë? Heiko Maas

Për gati pesë vite me radhë, Heiko Maas, pjesë e SPD, ka mbajtur postin e ministrit të Drejtësisë në Qeverinë e Gjermanisë, ku veçohen aksionet e tij kundër gjuhës së urrejtes dhe lajmeve të rreme ne ‘Facebook’, ‘Google’ dhe platforma të tjera të internetit. Ai ka ndërmarrë nisma ligjore edhe kundër urrejtjes fetare apo seksizmit. Sot, ai është përzgjedhur në postin e ministrit të Jashtëm të Gjermanisë, në kabinetin e ri të kancelares Angela Merkel.

Por si do të ndikojë Heiko Maas në procesin e integrimit të Shqipërisë? Duke qenë se Gjermania është aktor kryesor brenda Bashkimit Europian, qëndrimet e njeriut që drejton Ministrinë e Jashtme të këtij vendi kanë rëndësi parësore për vendin tonë.

Maas, si ministër i Jashtëm, pritet t’ja vështirësojë punën Qeverisë shqiptare për hapjen e negociatave, pasi ai është njohur disa herë me procesin e reformës në drejtësi në vendin tonë. Ai është takuar me dy ish-ministra të Drejtësisë së Shqipërisë, Nasip Naço dhe Ylli Manjani, të cilët e kanë informuar për reformën.

Në takimin e 17 qershorit të 2014-ës me homologun Naço, Maas është shprehur se “sistemi i drejtësisë simbolizon sistemin e vlerave të Bashkimit Evropian. Sa më fort të punoni në këtë drejtim aq më pranë BE-së do të jeni”, duke theksuar se zbatueshmëria e ligjeve është shumë e rëndësishme për anëtarësimin e Shqipërisë.

Ndërkohë, më 22 shkurt të 2016-ës me homologun Manjani, Maas ka thënë: “Reforma në drejtësi në vendin tuaj është e domosdoshme për anëtarësimin në BE, reformë e cila ka nevojë të domosdoshme për arritjen e konsensusit për të qenë jetëgjatë. Në këtë mënyrë partitë politike duhet të çelin dialogun politik.”

Në takimin me Manjanin, Maas dhe Sekretari Parlamentar për Drejtësinë, Christian Lange, janë shprehur se lufta kundër korrupsionit duhet çuar në rrugën e duhur dhe jo vetëm në faqen e ligjit.

Këto deklarata të Heiko Maas tregojnë se si ministër i Drejtësisë ka qenë gjithnjë i rezervuar sa i përket vlerësimit për procesin e reformës në drejtësi, duke kërkuar rezultate konkrete, jo vetëm fjalë. Qëndrim të ngjashëm pritet që të mbajë edhe gjatë drejtimit të Ministrisë së Jashtme, në një kohë kur në Shqipëri reforma në drejtësi po zbatohet bazuar në pikëpamjet e mazhorancës socialiste, duke devijuar disa herë nga Kushtetuta. Prokurorë dhe gjyqtarë me pasuri të dyshimta po i shpëtojnë vetting-ut, ndërkohë që ish-ministri i Brendshëm, Saimir Tahiri, u mbrojt në Kuvend nga kryeministri Edi Rama duke mos e lejuar që të përballet me drejtësinë që pretendohet se po reformohet.