Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Kush është Samo, shqiptari që kërkohet nga FBI dhe jeton i qetë në Shkodër: Politika dhe kartelet janë të lidhura; zgjedhjet fitohen nga mafia

Politiko 5 Shkurt 2018, 15:39

Kush është Samo, shqiptari që kërkohet nga FBI dhe jeton i

Reportazhi i Jonas Breng për revistën gjermane ‘Stern’, sjell edhe dëshminë e një shqiptari të kërkuar, që jeton i qetë në Shkodër, për lidhjet e forta që ekzistojnë midis karteleve mafioze dhe politikës në Shqipëri. Shqiptari përdor pseudonimin Samo dhe sipas këtij artikulli, rasti i tij është bërë më parë publik në media, megjithatë, policia e Shkodrës nuk e shqetëson në aktivitetin e tij të trafikut të kokainës dhe kanabisit.

Sipas Samos, të gjithë në Shqipëri e dinë që zgjedhjet fitohen nëpërmjet mafies, një akuzë kjo që opozita shqiptare hedh gjithnjë ndaj kryeministrit Edi Rama.

Shqipëria kërkon negociatat, shefi i policisë gjermane: Të krijohet ekip europian i hetuesve për të luftuar krimin shqiptar në BE; janë “shtet maskarenjsh”

Artan Hoxha flet për herë të parë për frikën nga mafia: Nëse me vrasin, ta bëjnë me kallash ose bombë

Pjesë nga artikulli:

Kush dëshiron të kuptojë dhunën e shqiptarëve, ai përfundon te njerëzit si Samo. Atë gjen në një kafene të fshehur në Shkodër, qyteti më i madh në veri të Shqipërisë. Në një ekran pas tij shihet liga gjermane e futbollit. Samo në të vërtetë nuk quhet Samo, por meqë atë e ndjekë FBI, ai s’mund të tregojë emrin e vërtetë. Ky 33-vjeçar udhëheq një grup të vogël gangsterësh, të cilët në këtë rajon fitojnë para me kokainë dhe kanabis. Samo është 2,05 metra i gjatë dhe 120 kilogramë i rëndë, por ai është «peshk i vogël», siç thuhet në Shqipëri.

«Ata duan t’i tregojnë BE-së se vërtet po bënë diçka», thotë Samo. «Por kjo është qesharake, këtë luftë nuk mund ta fitojnë». Ai ngrihet në këmbë dhe ecën poshtë në njërën nga rrugët, të cilat shtrihen nëpër lagjet e ngushta të banimit në Shkodër.

Samo është rritur në Shkodër, por disa vite ka jetuar në Neë York, ku ishte arrestuar për shkak të krimit të organizuar, tregtisë me drogë dhe vrasjes. Rasti i tij u përmend edhe nga mediat. Samo është i lirë vetëm për shkak se disa dëshmitarë u zhdukën gjatë procesit. Ai këtë e tregon duke u zgërdhirë.

Në një dhomë me erë myku dhe me perde të lëshuara, ai një orë më vonë zë vend në një kanape. Mbi tavolinë gjendet malli: një thes plastike me kanabis dhe pak kokainë. Kanabisi është nga rrethina, kokaina ka arritur përmes një lidhjeje në portin e Vlorës.

Kartelet e Amerikës jugore ndërkohë po e sjellin mallin e tyre direkt në Shqipëri dhe kjo është një risi – në të vërtetë kjo është një rrugë e tërthortë nga tregjet e mëdha në Europën Perëndimore. Kjo tregon fuqinë e re të shqiptarëve. «Ata e dinë, ne mund të dërgojmë mallin e tyre gjithkund, në Danimarkë, në Gjermani, s’luan rol ku», thotë Samo, i cili paguan afër 30 mijë euro për një kilogram.

Për dallim nga njësitë në Tiranë policia lokale në Shkodër nuk i nxjerr probleme Samos. «Një polic i varfër nuk është budalla. Nëse do të më arrestonte, vëllezërit e mi së pari e vrasin atë pastaj gjithë familjen e tij», thotë Samo dhe hedh shikimin në drejtim të një valixheje, e cila qëndron në divan si dëshmi. Brenda saj: një pushkë automatike, dy revole, një autobombë dhe shumë municion. Ai thotë se vrasja e dikujt nuk është diçka personale, thjeshtë është pjesë e punës. «Nëse askush nuk ka frikë nga ti, atëherë të shkërdhejnë», thotë Samo dhe lëpin nga gishti kokainë.

Në vitin 2016 në Shqipëri ka pasur 1349 arrestime në lidhje me drogën. Por vetëm 100 dënime. Mes tyre nuk është asnjë «peshk i madh». Ata do të bëjnë gjithçka për të mos arrestuar njërin nga bosat, thotë Samo, kur më vonë del në rrugë. Politika dhe kartelet janë të lidhura ngushtë, tregon ai. «Çdokush në Shqipëri e di: për ty i fiton mafia zgjedhjet».