Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kush është Sandër Lleshi, ministri i ri i Brendshëm; puna si këshilltar i Ramës dhe konflikti me Berishën kur drejtonte ushtrinë

Politiko 27 Tetor 2018, 09:04

Kush është Sandër Lleshi, ministri i ri i Brendshëm; puna si

Sandër Lleshi do të jetë ministri i ri i Brendshëm i Shqipërisë, duke zëvendësuar Fatmir Xhafajn, i dorëhequr sot nga kjo detyrë e rëndësishme. Lleshi mbante postin e këshilltarit për Sigurinë pranë kryeministrit Edi Rama, ndërkohë që është shfaqur në media kryesisht për çështjen e luftëtarëve shqiptarë të ISIS dhe për çështjen e refugjatëve që mund të vijnë në Shqipëri.

Në vitin 2010-të, Sandër Lleshi u emërua nga ish-Presidenti i Republikës, Bamir Topi, si zv/shef i Shtabit të Përgjithshëm të Forcave të Armatosura Shqiptare, ndërkohë që karriera e tij ushtarake është për t’u vlerësuar.

Në periudhën 1996-2000, gjeneral Lleshi ka qenë komandant i Kurseve në Akademinë e Mbrojtjes në Tiranë dhe më pas, për tre vjet të tjera, ishte komandant i Akademisë Ushtarake “Skënderbej”. Në vitet 2003-2006 ka shërbyer si atashe i Mbrojtjes i Republikës së Shqipërisë në Gjermani.

Konflikti me Sali Berishën dhe Bujar Nishanin

Më 24 maj të 2013-ës, Sandër Lleshi do të shkarkohej nga detyra e zv/shefit të Forcave të Armatosura. Vendimi ishte marrë nga ish-kryeministri Sali Berisha në konsultim me ish-ministrin e Mbrojtjes, Arben Imami, ndërkohë që edhe ish-Presidenti i Republikës, Bujar Nishani e firmosi shkarkimin. Vendimin për ta larguar nga detyra, Lleshi e mësoi nga Shefi i Forcave të Armatosura, Xhemal Gjunkshi, aktualisht deputet i Partisë Demokratike.

Arsyet e shkarkimit nuk u bënë menjëherë të ditura, por mediat raportuan se brenda Partisë Demokratike kishte dyshime se ishte pikërisht Sandër Lleshi që kishte informuar Partinë Socialiste, në atë kohë në opozitë, për armët shqiptare që trafikoheshin drejt shteteve afrikane.

Vendimin e Nishanit për të firmosur shkarkimin e tij, Lleshi e ankimoi pranë Gjykatës Administrative, e cila në vitin 2017-të kërkoi dëmshpërblimin financiar të gjeneralit dhe kërkoi nga Ministria e Mbrojtjes që t’i japë pagat që prej vitit 2013-të dhe deri kur të sistemohej në detyrë të ngjashme me atë që mbante përpara shkarkimit.

Emërim i si këshilltar i Ramës dhe propozimi i Ismail Kadaresë

Edi Rama do të njoftonte më 23 gusht të 2013-ës se Sandër Lleshi do të ishte këshilltari i tij për Sigurinë. Ai sillte në vëmendje edhe një deklaratë të shkrimtarit të njohur shqiptar, Ismail Kadare, i cili e kishte propozuar gjeneralin për President të Republikës.

Sipas disa raportimeve mediatike të kohës, Kadare është shprehur për Lleshin: ““Më ka bërë përshtypje jo vetëm formimi i tij solid e profesional gjermanik, por edhe kultura e përgjithshme. Pjesëmarrja dinjitoze e tij në një polemikë me karakter historiko-filozofik për strategjinë ushtarake shqiptare të Mesjetës ka qenë një nga shembujt. Për sa u përket cilësive për President, kam çmuar integritetin moral, paanshmërinë dhe sidomos përkushtimin ndaj detyrës dhe vendit. Për Presidentin e një Shqipërie serioze dhe të moralshme janë të detyrueshme këto cilësi. Ashtu duket. Nuk ka klishe detyruese për këtë. Shpesh dëgjohen mendime: s’na duhen filozofët për President, s’na duhen ushtarakët etj. Në këtë rast do të bëhej fjalë për një nga shefat më të lartë të Ushtrisë së sotme shqiptare, pjesëmarrëse e Aleancës Atlantike. Dihet se kjo Aleancë nuk është vetëm ushtarake. Anëtarësia në të është këmba jonë e sigurt në Evropë, pra përkon me aspiratën evropiane”./ Politiko.al