Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kush ishte ministri që i “dorëzoi dorëheqjen” Ramës për teatrin dy vjet më parë, por 'mbylli gojën' kur u shemb

Politiko 18 Maj 2020, 11:46

E diela e 17 majit shënoi një ditë të pazakontë, që do të mbetet gjatë në memorien e shqiptarëve.

Teatri Kombëtar, godina e të cilit gdhendte 81 vite ngjarje, kulturë, histori vlerash...në të gdhirë të kësaj të diele, u rrafshua.

Përpos rezistencës mbi 2-vjeçare të një grupi aktorësh dhe aktivistësh të shoqërisë civile, Teatri Kombëtar tashmë nuk ekziston më dhe u kthye shumë shpejt në një grumbuj intertesh, ngjarje që dje prodhoi 12 orë protesta, përplasje fizike me policinë e ‘blinduar’ , arrestime të dhunshme.

Çështja e teatrit është ndezur që në shkurt të 2018-ës, ku shumë artistë u mblodhën duke kundërshtuar projektligjin për “Ligjin për artin dhe kulturën” në sallën “Black Box” të Universitetit të Artevem në atë kohë me ministre Kulture, Mirela Kumbaro për një teatër të ri me PPP.

Pas shumë  tubimesh dhe debateve të forta nga ana e artistëve, në 5 korrik 2018, ligji me PPP për Teatrin kalon në Parlament me 75 vota pro.

Më 27 korrik 2019 Presidenti e kthen ligjin në Kyvend duke evidentuar disa shkele, por mazhoranca e rrëzoi me 75 vota pro në seancën e parë plenare në shtator për ndërtimin e Teatrit të Ri Kombëtar.

Ajo që vlen të rikujtohet është se në atë seancë i vetmi që bojkotoi ishte ministri i Diasporës Pandeli Majko. Kujtojmë se Majko nuk mori pjesë në votimin ku u rrëzua dekreti i Presidentit të Republikës

Madje, në seancë  ku u votua projektligji, kamerat fiksuan debatin mes Ramës e Majkos teksa ky i fundit u largua nga salla e Kuvendit pak mbajtjes së votimit.

Disa muaj më vonë, vetë ministri e riktheu këtë debat në media, ku deklaronte se i kishte paraqitur edhe dorëheqjen kryeministrit Edi Rama, pas përplasjes për çështjen e Teatrit Kombëtar.

“Unë të nesërmen i dorëzova dorëheqjen. Unë nuk kisha ndërmend të mos e pranoja refuzimin e tij, por ishin disa fjalë të thëna nga Edi, që unë e kam mik…”, deklaroi Majko në dhjetor të 2018-ës.

Ministri nuk pranoi të tregonte se çfarë debatoi me Ramën brenda sallës së Kuvendit, ditën kur u votua për shembjen e teatrin, për shkak të një ‘kontrate’. “Kam një kontratë me kryeministrin që nuk duhet të bëj më shumë interesantin se sa duhet”, tha më tej ministri.

Qëndrim i Pandeli Majkos si duket ndikoi edhe tek raportet mes tij e kryebashkiakut Erion Veliaj. Megjithatë, pavarësisht qëndrimeve “flakë më flakë” për teatrin dhe sakrificës që deklaroi kundër këtij projektligji, vlen për ta theksuar se dje ministri preferoi të heshtë.

Deri tani asnjë fjalë, për teatrin që nga dje në të gdhirë dita e 17 majit nuk ekziston më...

Të fundit