Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kush përfiton nga marrëveshja e Washingtonit? Rama 'godet' Kurtin: Revolucionar që përdor plagët e Kosovës në interes të tij

Politiko 2 Tetor 2020, 14:34

Kush përfiton nga marrëveshja e Washingtonit? Rama 'godet'

Kush fiton nga marrëveshja për linjën hekurudhore Beograd-Prishtinë me një port në det të thellë në Adriatik?

Në përgjigje të kësaj pyetjeje kreu i qeverisë, Edi Rama, nuk i ka kursyer sulmet ndaj ish-kryeministrit të Kosovës dhe njëherazi liderit të VetëVendosjes, Albin Kurti, kur tha se marrëveshja ishte zgjidhja e vetme dhe se "çdo rrugë tjetër çon në qorrsokak dhe rrugën në qorrsokak kosova s’ja ka borxh asnjë politikani, asnjë revolucionari që përdor dhimbjen e plagëve të Kosovës në interes të politikës së tij.”

Sipas Ramës, me nënshkrimin e marrëveshjes Kosova ka arritur edhe njëherë në vendin ku i takon në arenën ndërkombëtare dhe kjo është e gjitha për meritë të Hotit.

“Mendimi im për marrëveshjen e Wshingtonit është i njohur. Por shkurtimisht po ju them që marrëveshja e Washingtonit nuk ka asgjë të re, por është thjesht një konfirmim i atyre që janë konceptuar diskutuar dhe jo zbatuar plotësisht nga marrëveshja e Berlinit.

Megjithatë, e mira e kësaj marrëveshje është se ka kthyer Kosovën në pozicionin ku duhet të jetë ndërkombtarisht dhe meritat për këtë gjë i ka Hoti.

Mësimi nga kjo marrëveshje është që ka shumë gjëra që ne shqiptaret do t’i bëjmë, mund t’i kishim bërë vetë dhe duhet t’i kishim bërë vetë dhe do t’i kishim bërë nëse nuk do të ishim kaq kalamaj për të shpërdoruar votën e atyre që na zgjodhën duke i hapur luftë imagjinare SHBA-së.

E rëndësishme është t’i bëjmë gjërat, e ka thënë dhe stërthënë Franca, Gjermania e thotë edhe Amerika. Kam kohë që e them këtë gjë, por kush nuk dëgjon mua të paktën le të dëgjojë SHBA, jo se na e kërkojnë ata, por se është vija e vetme që na e imponojnë fëmijët tanë dhe brezat. Nuk ka rrugë tjetër. Cdo rrugë tjetër çon në qorrsokak dhe rrugën në qorrsokak kosova s’ja ka borxh asnjë politikani, asnjë revolucionari që përdor dhimbjen e plagëve të Kosovës në interes të politikës së tij.

Unë e di si i bën Albini llogaritë nga pikëpamja ekonomike, por si mund të thuash që nga hekurudha nuk përfiton ai që ka portin dhe kryen gjithë atë volum tregtar dhe përfiton një nga aktorët që shfrytëzon portin... Këtë mund ta thotë vetëm Albini. As unë vetë nuk e shpjegoj dot as vetë, por nja dy mësime nga ekonomia më kanë sqaruar sa duhet për këtë lajthitje”, është shprehur Rama.