Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kushtet e vështira në shkolla, Dhimitri: Qeveria zgjedh injorancën në vend të investimit

Politiko 14 Shtator 2020, 13:54

Kushtet e vështira në shkolla, Dhimitri: Qeveria zgjedh

Ish-kryetarja e Komisionit të Media dhe edukimit, Fatjona Dhimitri, ka uruar nxënësit dhe mësuesit për ditë e parë të shkollës, teksa e ka konsideruar të pazakontë këtë vit shkollor për shkak të situatës pandemike.

Nëpërmjet një postimi në Facebook, Dhimtri është ndalur tek kushtet e vështira në shumicën e shkollave në vend.

Ajo thekson se qeveria është më e gatshme të prodhojë injorancë, në vend që të investojë në mjedise me qera të përshtatshme për shkolla.

Postimi i plotë:

Do të ishte e udhës që për çdo nxënës, për ata që në duar do të mbajnë buqetat me lule për mësuesin e parë, dita e parë e shkollës të plotësohej nga urimet për një vit të mbarë e të sukseshëm.

Situata e pazakontë e diktuar prej pandemisë globale vështirëson pritjen e nxënësve që do të ulen në bankat e dijes, nesër në nisjen e vitit të ri shkollor 2020-2021.

Por sa të pregatitur i gjen shkollat tona, sistemin arsimor, Ministrinë e Arsimit, Ministren e Arsimit, qeverinë, nisja e vitit shkollor duke u bashkëshoqëruar, inagurimet, propaganda me masat e këtyre të fundit për parandalimin e infektimit të nxënësve, mësuesve e popullatës më gjerë...

Një kryetar bashkie inaguron rikonstruksionin e një shkolle duke mënjanuar ata që nesër pritet të hyjnë në dyert e saj, me frikën se ndoshta veç fasadës së jashtme të godinës së rikonstruktuar do të përballen me mjedise të infektuara, mësues bartës të padiagnostifikuar, etj...

Mësimi me turne një problem tepër shqetësues për prindërit e fëmijëve. Shumë familje janë detyruar të rregjistrojnë fëmijët në shkolla private duke u gjendur kështu në kushtet e pasigurisë se çfarë do të bëhet me fëmijët e tyre gjatë kohës që ata janë në punë dhe në pamundësi për tu shkëputur në drejtim të shkollave në oraret e parashikuara në udhëzimin e Ministrisë.

Qeveria është më e gatshme të prodhojë injorancë sesa të investojë në mjedise me qera të përshtatshme për shkolla.

Qeveria preferon të diskriminojë nxënësit sesa të rialokojë buxhetin e PPP.

Ku janë shkollat e premtuara?

Qeveria ka harruar se fëmijët janë të mitur dhe për ta ka nevojë që njëri prej prindërve, me oraret e vendosura nga Ministria e Arsimit duhet të presin apo të qëndrojnë me fëmijët në shtëpi.

Ndërmarrjet ku ata janë punësuar, do të detyrohen të marrin masa ndaj prindërve deri në pushimin e tyre nga puna.

Në terma të ardhurash familjare kjo do të thotë përgjysmim i tyre. Pra rritje e menjëhershme e varfërisë me pothuajse 30-40%. Rritja e papunësisë dhe ulja e konsumit do të vazhdojë derisa të çojë në degradim total ekonominë shqiptare.

Qeveria nuk pranon të rialokojë fondet e parashikuara për investimet publike. Në këtë situatë dramatike nuk ka kohë për luks por për mundësi sado të vogla të jenë ato. Këto mundësi ekonomike duhet të orientohen urgjentisht drejt sistemit shëndetësor dhe drejt arsimit.