Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kushti i Bashës apo “çunat problematikë”, akuzat që ‘sakrifikuan’ Damian Gjiknurin në krye të Komisionit për Reformën Zgjedhore

Politiko 19 Shtator 2019, 11:18
Kushti i Bashës apo “çunat problematikë”, akuzat

Dje, kreu i Partisë Demokratike, Lulzim Basha në një dalje për mediat i është përgjigjur ftesës publike të kryeministrit Rama për bashkëpunim në finalizimin e Reformës Zgjedhore, duke i vënë kusht pozicionin e Damian Gjiknurit.

Duke e quajtur ftesën e Ramës si tallje, Basha theksoi se për sa kohë që kryetar i kësaj reforme është Damian Gjiknuri  nuk mund të ketë bashkëpunim.

“Nuk mund të fshiheni as pas letrave dhe kërkesave të pasinqerta, dhe ftesave nga një individ si Damian Gjiknuri. Nëse reforma zgjedhore përfshin Gjiknurin, le të ftojnë Shullazin, Avdylajn, sepse kjo është tallje”, tha Basha.

Një ditë pas deklaratës së Bashës, vjen reagimi i ish ministrit Gjiknuri, duke shfaqur një tërheqje dhe rishikim të pozicionit të tij, nëse ky është kushti që PD të jetë pjesë e këtij komisioni.

“Jam i gatshëm të rishikoj pozicionin tim në komisionin parlamentar të reformës zgjedhore, si bashkëkryetar, me kusht që PD të njohë komisionin. Opozita e ka kushtëzuar marrjen pjesë në reformë. Mua më duket ironike dhe qesharake që kauza  ‘Rama ik’ do të përfundojë me ‘Damian ik’. Nëse opozita jashtëparlamentare e njeh Reformën, por shikon praninë time si pengesë nëse është kusht i vetëm mund ta rishikoj pozicionin tim. Unë aty përfaqësoj veten time.  Nuk ka pasur akuza penale ndaj meje. Nga kjo pikëpamje unë do shoh një zgjidhje”- tha sot Gjiknuri nga oborri i Kuvendit.

Po ashtu, ai u ndal indirekt edhe te akuzat ndaj tij, të publikuara përmes përgjimeve të gazetës gjermane ‘Bild’.

“Nuk ka asnjë akuzë penale ndaj meje, gjithçka tjetër është akuzë politike si çdo politikan në pushtet”, tha Gjiknuri duke anashkaluar akuzat ndaj tij dhe zyrtarëve të tjerë të PS në lidhje me Dosjen 184.

Në ato përgjime, Gjiknuri në atë kohë ministër i Energjetikës dëgjohej teksa fliste në telefon me Arben Keshin, dhe i thoshte se do i dërgonte një furgon me ‘çuna problematikë’, gjatë bisedave për shitblerje votash.

Nga ana tjetër, që pas publikimit të përgjimeve, Gjiknuri ka qenë në presion të vazhdueshëm nga opozita si ‘modeli i blerjes se votës dhe i intimidimit të votuesve.

Basha e quan tallje ftesën publike të Ramës për Reformën Zgjedhore: Le të ftojnë Shullazin ose Avdylajt

Video/ Damian Gjiknuri: Tërmet, tërmet e ke bo. Imer Lala: Po më shkrunte ‘ai robi’

Të fundit