Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lajme pozitive nga Kakavija; 'shkurtohen' më tej radhët e emigrantëve në pritje për të kaluar pikën doganore

Politiko 16 Gusht 2020, 18:53
Lajme pozitive nga Kakavija; 'shkurtohen' më tej radhët e

Janë reduktuar ndjeshëm radhët e automjeteve në doganën e Kakavijës në pritje për të kaluar në tokën greke. Që nga ora 00:00 deri tani në pikën kufitare të Kakavijës kanë kaluar 2031 shqiptarë, 609 shtetas të huaj si dhe 850 automjete.

Deri tani radha është ulur deri në 1.8 km nga pika kufitare, dhe nëse puna vijon me këto ritme mendohet se deri në orën 22:00 do të kalojnë të gjithë qytetarët që janë në pritje.

Kujtojmë se, për 5 ditë rresht qindra qytetarë kanë qenë në pritje për të kaluar në tokën greke për shkak të masave kufizuese të vendosura për parandalimin e përhapjes së COVID-19.

Shumë qytetarë shqiptarë, gra, fëmijë dhe të moshuar janë detyruar të presin në temperatura të larta dhe kushte të papërshtatshme higjenike që të kalonin në tokën greke për shkak të limiteve të vendosura si në kohë dhe në numër personash.

Për të mos lejuar përshkallëzimin e mëtejshëm të situatës së vështirë, Policia e Shtetit ka vendosur postblloqe në Jorgucat, Tepelenë dhe Gjirokastër për të mos lejuar më automjete t’iu bashkohen makinave në pritje.

Pas negociatave midis autoriteteve shqiptare me ato greke, sportelet në pikën kufitare sot do të vijojnë punojnë me kapaciete të plota deri në orën 22:00. Ndërkaq nga dita e nesërme pritet të kthehet sërish në fuqi rregulli i qeverisë greke për kalim të limituar me vetëm 750 persona në ditë në Kakavijë dhe 300 në Kapshticë.

Të fundit