Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Largimi i Xhafajt, Manjani paralajmëron opozitën: Cilido që e bën këtë gjë do mbahet mend për tradhti ndaj vendit

Politiko 27 Tetor 2018, 11:54
Largimi i Xhafajt, Manjani paralajmëron opozitën: Cilido që e

Ish-ministri i Drejtësisë, Ylli Manjani thotë se vendimi i kryeministrit Edi Rama për shkarkuar Fatmir Xhafajn si ministër i Brendshëm, ka qenë i paramenduar dhe nuk ka ardhur pas një sherri të momentit.

Sipas Manjanit, Rama po përpiqet të bëjë paqe me opozitën dhe t’i kthejë deputetët në Kuvend, pasi askush në Perëndim nuk është i gatshëm të flasë me të në këto kushte.

Por ish-ministri bën një paralajmërim të qartë për drejtuesit e opozitës kur thotë se cilido që i jep dorën Ramës, praktikisht i jep shkelmin vendit, dhe për këtë gjë do të mbahet mend për tradhti ndaj Shqipërisë.

Reagon Fatmir Xhafaj: Dorëheqja si ministër i Brendshëm, me vullnetin tim

Reagimi i plotë i Ylli Manjanit:

Kujdes.

———-

Pa dyshim që njeriu i mirë Sandër Lleshi, politikisht i shërben Edi Ramës si veshja e sheqerosur e pilulave të helmuara.

Edi Ramës i duhet me çdo kusht një detantë (klimë e ç’tensionuar) politike, për të kthyer opozitën në parlament.

I duhet kjo klimë edhe për të tejkaluar disi në kohë skandalet e pritshme që lidhen tashmë me të.

Arrestimet e të vetëve, telendisja ne publik e të përgjuarve pushtetarë të tij dhe shkarkimi i Fatmir Xhafës janë shenja të qarta që Rama kërkon paqe me opozitën.

Që të mos kemi asnjë iluzion, të gjitha këto veprime ishin të paramenduara nga Rama. Asgjë nuk ka ardhur si sherr i momentit, siç thonë disa media.

Atij i duhet opozita në Parlament sepse nuk i hap më askush derën në perëndim!

Çështja është se nëse Opozita ia ofron këtë paqe e i jep dorën Ramës, praktikisht i jep shkelmin vendit!

Cilido faktor opozitar që e bën këtë gjë do mbahet mend për tradhëti ndaj vendit, demokracisë dhe progresit!

As ndërmjetësimet e huaja nuk e shpëtojnë vendin, nëse do tolerohej shkatërrimi i shtetit, i demokracisë dhe ekonomisë!

Tani është radha e opozitës të forcojë radhët dhe të vihet në krye të popullit të çoroditur.

Të fundit