Lazio nis përgatitjet me spektakël tifozësh, festohet Superkupa!

Lazio është në festë. Skuadra italiane sot ka nisur përgatitjet për fazën e dytë të sezonit dhe një ngjarje e bukur ka ndodhur gjatë stërvitjes. Drejtuesit kishin lajmëruar se do të hapte dyert e qendrës stërvitore të bardhekaltërve, por nuk e prisnin kurrsesi që aty do të ishin 10 mijë tifozë bardhekaltër! Ecuria në Serie A këtë sezon i ka ngrohur zemrat e tyre dhe sidomos fitimi i Superkupës së Italisë në finalen ndaj Juventusit. Me siguri që edhe Igli Tare është befasuar nga dyndja e tifozëve në stërvitje. Ata kanë përshëndetur dhe nderuar sidomos trajnerin Inzaghi. Momenti më i bukur ishte kur u shfaq trofeu i Superkupës në fushën e blertë. Serie A rinis me datë 5 janar dhe Lazio do të përballet me Brescian në transfertë.

La partitella finisce in parità: l’1-1 è di @LucasLeiva87 ⤵️ pic.twitter.com/2kMmMbNPpm

— S.S.Lazio (@OfficialSSLazio) December 30, 2019