Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lehtësim në Prishtinë. Ministri i ri i Jashtëm i Spanjës është një katalanas që njeh shtetin e Kosovës

Politiko 6 Qershor 2018, 14:18
Lehtësim në Prishtinë. Ministri i ri i Jashtëm i

Ish-presidenti i Parlamentit Evropian, Josep Borrell, është emëruar në postin e ministrit të Jashtëm në qeverinë e re të Spanjës, që drejtohet nga Pedro Sanchez.

71 vjeçari Borrell është katalanas dhe më parë ka drejtuar Partinë Socialiste në shtetin iberik. Së fundmi, ai u angazhua në protesta dhe tubime kundër pavarësisë së Katalonjës nga Spanja, ndaj emërimi i tij në postin e rëndësishëm ka shkaktuar pakënaqësi te banorët e rajonit autonom.

Por përzgjedhja e Josep Borrell në krye të diplomacisë spanjolle është një lajm i mirë për shqiptarët dhe veçanërisht për Republikën e Kosovës. Qëndrimi i tij ndaj pavarësisë së Prishtinës është zbutur me kalimin e viteve dhe Borrell ka bërë gjithnjë një ndarje të qartë të situatave në Kosovë dhe Katalonjë.

Më 23 shkurt të 2008-ës, pak ditë pasi në Prishtinë ishte shpallur pavarësia nga Serbia, Josep Borrel do të shprehej: “Deklarata e pavarësisë së Kosovës është edhe njëherë tjetër një akt i ‘fuqisë amerikane’. Për fat të keq disa shtete e kanë ndjekur SHBA-në, vetëm Spanja dhe pak shtete i kanë thënë jo.”

Kundërshtimi i Borrell lidhej më shumë me frikën se pavarësia e Kosovës do të përdorej si argument për separatistët katalanas. Por me kalimin e viteve dhe thellimit të aksionit në Katalonjë për pavarësi, Borrell ka bërë shpesh herë dallimin midis këtyre dy çështjeve.

Në tubimin e zhvilluar në tetor të 2017-ës kundër pavarësisë së Katalonjës, në të cilën raportohet se morën pjesë rreth 1 milion persona, Josep Borrell mbajti një fjalim ku foli për herë të parë edhe për “shtetin e Kosovës”.

“Ne kemi të drejtën të jetojmë në paqe; ne duhet të shijojmë shtetin tonë progresiv dhe demokratik: Spanjën. Sigurisht, ne kemi probleme. Cili vend nuk ka probleme? Por vërtet mendoni se Katalonja është si Lituania, Kosova apo Algjeria? Jo. Katalonja nuk është koloni apo shtet i pushtuar ushtarakisht. Katalonja nuk është një shtet si Kosova ku kishte dhunë dhe shkeleshin të drejtat e njeriut. Dhe kjo është arsyeja përse Katalonja duhet të punojë bazuar në respektin e ligjit dhe nuk mund të besohen ata që thonë se ligji ndërkobëtar është në anën e tyre, sepse nuk është e vërtetë, nuk është në anën e tyre”, ka deklaruar katalansi Josep Borrell, raporton Politiko.al.

Në vitin 2006, kur ishte ende në krye të Parlamentit Evropian, Borrell publikoi një mesazh ngushëllues për ndarjen nga jeta të ish-presidentit Ibrahim Rugova:

“Në emër të Parlamentit Evropian, dëshiroj t’i shpreh ngushëllimet e sinqerta familjarëve të Ibrahim Rugovës, por humbjen e trishtë, dhe popullit të Kosovës për largimin e parakohshëm të presidentit dhe liderit të tyre. Presidenti Rugova ishte mbështetës i patundur i të drejtave të popullsisë shqiptare në Kosovë. Ai luftoi për pavarësinë e Kosovës, por besonte se objektivat e tij mund të arriheshin me anë të dialogut politik dhe jo konfliktit dhe dhunës. Ai ishte njeri i paqes. Kjo është aryse që në vitin 1998, Parlamenti Evropian e vlerësoj me çmimin ‘Sakharov’ për lirinë e mendimit. Me këtë çmim ne e pranuam dhe e nderonim vendosmërinë e tij për të gjetur një zgjidhje politike jo të dhunshme për statusin e Kosovës, e cila do t'u lejojë qytetarëve të saj të ushtrojnë lirisht të drejtat e tyre themelore. Me autoritetin dhe legjitimitetin e tij, Ibrahim Rugova ka qenë i dobishëm në shtrimin e rrugës për të hapur negociatat për statusin. Është e rëndësishme që autoritetet politike në Kosovë të jetojnë me trashëgiminë e tij. Në këtë kohë trishtimi dhe zie, njerëzit e Kosovës presin nga udhëheqësit e tyre që të qëndrojnë të bashkuar dhe të vijojnë me përpjekjet për gjetjen e një zgjidhjeje politike për statusin e ardhshëm të Kosovës .”

Vetë kryeministri i ri, Pedro Sanchez, është një person që ka njohuri të mira për Kosovën. Ai raportohet të ketë punuar vite më parë në Kosovë, si pjesë e misionit të OKB-së, UNMIK.

Largimi i Mariano Rajoyt si kryeministër dhe formimi i qeverisë së re në Spanjë ka sjell lehtësim në Prishtinë. Madridi ishte angazhuar së fundmi në një fushatë agresive kundër Kosovës, madje duke kërkuar edhe përjashtimin e këtij shteti nga aktivitetet e Bashkimit Evropian, duke qenë se nuk njihej nga pesë anëtarë.

Në samitin e fundit midis BE-së dhe Ballkanit Perëndimor, i organizuar në Sofje të Bullgarisë, ish-kryeministri Rajoy refuzoi të merrte pjesë dhe Spanja u përfaqësua vetëm me ambasadorin. Për shkak të kundërshtimit spanjoll, në samit nuk u përdorën flamuj dhe nga dokumenti përfundimtar u hoq termi “shtete” dhe u zëvendësua me “partner”. /Politiko.al

Qeveria e re e Spanjës do dominohet nga gratë

Të fundit