Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Letra drejtuar Ramës në 2015-n, kryetari i komisionit për reformën e arsimit: Ndryshimet e bëra nga Vasilika Hysi, thikë pas shpine

Politiko 14 Janar 2019, 18:12

Është publikuar letra që Kryetari i komisionit për reformën e arsimit të lartë, Arjan Gjonça i ka dërguar kryeministrit Edi Rama në vitin 2015.

Përpara votimit të ligjit për arsimin e lartë  në Parlament është ndryshuar një nga amendamentet, i cili solli pasoja në arsimin e lartë. Gjoncaj, në letrën drejtuar kryeministrit Rama, tregon faktet, të cilat  publikohen nga 'Ora News' se çfarë ka ndodhur me reformën, e cila sot ka nxjerrë studentët në protestë.

Letra, bën me dije fakte dhe problemet e shfaqura pas ndryshimeve në nenin 131, të bëra në Parlament, të projektligjit.

Ndryshimet e bëra me amendament të Vasilika Hysit për mandatet e anëtarëve të IAL, ai i konsideron thikë pas shpine. Madje për të shmangur krizën propozon pezullimin e zgjedhjeve përmes  vendimit të këshillave të ministrave deri në riorganizimin e Universiteteve.

Në shkresë thuhet se ka pasur një ndryshim amendamenti nga Vasilika Hysi për t’i dhënë të drejtën e rizgjedhjes, rudimenteve drejtuese të arsimit të lartë që e kanë katandisur atë në një kooperativë të injorancës.

Më tej, Gjonça thotë se në kohën e hartimit të reformës ai dhe grupi i punës janë përballuar me presionin politik dhe publik te pamerituar.

Në të njëjtën kohë ai shprehet se zbatimi i reformës është lënë pa një përgjegjës, sidomos pas dorëheqjes së zëvendësministrit të Arsimit.

“Ministrja është duke u përpjekur shumë, por e ka të pamundur të fokusohet 100% në arsimin e lartë se ka “shumë kunguj nën sqetull”, shprehej ai në atë kohë.

Shqetësimi i Gjonçaj shkon më tej kur shprehet se në Ministrinë e Arsimit njerëzit nuk kanë kapacitet e duhura për të implementuar reformën, por kanë edhe mendësi komuniste, lidhur me kontrollin që duan të kenë për vendimmarrjen institucionale.

Shqetësimet e tij të cilat i ka shoqëruar dhe me rekomandimet për zgjidhjen e situatës, duket se nuk janë marrë në konsideratë nga kryeministri Rama, ndërsa sot po përballet me protestën e studentëve.

Të fundit