Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Libri në Gjermani: Kanali që Qeveria shqiptare i hap pastrimit të parave të mafias dhe shtetit islamik

Politiko 24 Janar 2019, 12:59

"Partnerë kriminalë në aleancë strategjike" është një libër që fokusohet te lidhjet e Mafies Shqiptare me Shtetin Islamik (DAESH) nga Botimet për Shkencat Policore në Frankfurt (organ i Policisë Federale gjermane) dalë në qarkullim para dy javësh dhe që fajëson kryesisht qeverinë Rama për mundësimin e pastrimit të parave në shkallë masive nga dy grupimet e mësipërme.

Autorët Arthur Hartmann, Trygve Ben Holland dhe Sarah Holland japin shembuj të investiguar se si DAESh përdori struktura mafioze shqiptare për të shitur ligjërisht në Europë e ShBA naftë bruto të 15 anijeve tanker. Edhe pse Shqipëria nga viti 2014 mori statusin e kandidatit për në BE kontrollet e transaksioneve financiare mbeten joefektive, kontot bankare çelen pa verifikimin e duhur dhe xhunga e lojrave të fatit mund të fshehë gjërat. Shpërthimi masiv i kultivimit e tregtimit të kanabisit dhe kalimi në drogat e rënda po ndodh pavarësisht nga ndihma ndërkombëtare. Rasti i Tahirit, ministër i Brendshëm 2013-2017, i akuzuar për favorizim të narkotrafikantëve është evident sa që eurodeputeti Manfred Ëeber, i cili pritet të zëvendësojë Jean Claude Juncker në krye të Komisionit Europian, dhe kancelarja gjermane Merkel trysnuan kryeministrin Rama që ky të hiqte proteksionin mbi Tahirin. Por, edhe ministri i Brendshëm pasues, Xhafaj, pati probleme në këtë aspekt, ndonëse jo të përmasave të Tahirit.

Autorët japin shembuj të ndryshëm se si, megjithë rigorozitetin e ligjeve të reja

forcat lokale fusin nga dritarja atë që dje hynte nga dera. Ngjyrime satirike shfaqen në bisedën me një deputet të mazhorancës qeverisëse, cili nuk ka dëgjuar kurrë për këto probleme për të cilat "nëse ekzistojnë atëhere fajin e ka Perëndimi".

I njohur rezulton edhe rasti i ABI Bank, licensimi i së cilës u konsiderua jotransparent nga institucionet financiare ndërkombëtare si FMN etj.

Autorët shënojnë se, megjithe praninë në Shqipëri të celulave të Al Kaedas më herët, e e të DAESHit aktualisht, nuk ka radikalizim fetar në shoqërinë shqiptare e cila është gjysëm muslimane. Gjithashtu Mafia Shqiptare nuk ka afërsi ideologjike me DAESHin, por kur mundet operon me të, thjesht për të maksimizuar fitimin financiar.

Për librin ka shkruar edhe një ndër të përditshmet kryesore 'Frankfurter Allgemeine Zeitung'. 

 

Të fundit