Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lidhjet e vjetra të Tahirajve me Habilajt. Rekomandimi i Mevlan Habilajt që Bashkim Tahiri të pranohej në parti

Politiko 18 Tetor 2017, 11:26

Deputeti dhe ish-ministri i Brendshëm, Saimir Tahiri, dje, në fjalën e tij “mbrojtëse” tha se kishte një lidhje të largët, me Habilajt, kushërinj të brezit të dhjetë etj. Por kjo lidhje nuk është aq e largët dhe aq e panjohur, madje ka qenë një lidhje e vazhdueshme, bashkëpunimi. Para 40 vjetësh, Mevlan Bedo Habilaj, anëtar i Partisë së Punës së Shqipërisë, rekomandonte që Bashkim Tahiri të bëhej kandidat për anëtar Patrtie.

Sipas një dokumenti që mban datën 10 janar 1977, plot 40 vjet më parë, kushëriri i Tahirit, me pozita të forta në Parti, anëtar që prej vitit 1954, rekomandonte shokun Bashkim për t’u pranuar kandidat në Parti. Siç dihej pranimet në Parti bëheshin me rekomandim, madje nga njerëz me pushtet dhe infleunca të forta. Nuk mjaftonte përkushtimi dhe besnikëria në idealet komuniste të kandidatit, por duheshin edhe njerëz me pushtet, me biografi të mirë, sidomos nga rrethi familjar e gjaku, pasi Partisë duhej t’i shkonte gjak i kulluar, i  pastër...

Dhe Bashkim Tahri i kishte të gjitha, edhe babain partizan dhe anëtar partie, edhe vëllain në parti, edhe fisin e farefisin, madje edhe kushëririn që e rekomandonte dhe që dilte garant për pastërtinë e figurës së tij, Mevlan Gaqo Habilajn.  

Dokumenti flet qartë se nuk bëhet fjalë për kushërinj të brezit të dhjetë, por për njerëz të afërt, që kishin hyrje e djale famlijare mes tyre, për të mos thënë edhe faktin se Saimir Tahiri pritej e përcillej në Vlorë nga Habilajt, madje sipas Zaganit, ai edhe hante drekë me ta. Përpjekjet e ish-ministrit Tahiri për të “shkëputur” çdo lidhje me Habilajt, është njëj alibi dhe orvatje e dështuar, pasi faktet e dokumentet flasin vetë, lidhjet e Familjes Tahiri me Familjen Habilaj janë të hershme, të forta dhe qendrueshme!

Më poshtë faksimilja e dokumentit që vërteton këtë lidhje:  

Të fundit