Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Liga e Kampioneve, kualifikohen 5 skuadrat e para, mes tyre Napoli, Sevilja, Olimpiakos. Hasi mban premtimin…

Politiko 23 Gusht 2017, 08:27
Liga e Kampioneve, kualifikohen 5 skuadrat e para, mes tyre Napoli, Sevilja,

Faza në grupe e Ligës së Kampioneve do të ketë si protagonistë Elseid Hysajn dhe Valon Ahmedin, skuadrat e të cilëve janë kualifikuar sot pas ndeshjeve të kthimit të play-off të turneut.

Napoli mundi me rezultatin 2-0 Nicën në fushën e kësaj të fundit, duke u treguar dominuese ndaj emrave si Baloteli dhe Shnajder të skuadrës franceze. Mbrojtësi shqiptar luajti gjatë të gjithë takimit.

Ndërkohë, Ahmedi u kualifikua me Mariborin, duke kaluar izraelitët e Hapoel Ber Shevës. Goli i Viler në fillimin e ndeshjes mjaftoi që skuadra e mesfushorit shqiptar të arrinte në futbollin e rëndësishëm europian falë rregullit të golit jashtë fushe.

Ndërkohë, Besnik Hasi çoi Olimpiakosin në grupet e Ligës së Kampioneve, ashtu siç kishte premtuar kur mori drejtimin e skuadrës greke. Pasi eliminoi kampionin e Serbisë, skuadra e tij eliminoi edhe atë të Kroacisë, duke arritur të mundte Rijekën edhe në fushën e vet në ndeshjen e kthimit me golin e gjermanit Marko Marin.

Edhe Istanbul Bashakshehir i Sokol Cikalleshit iu afrua shumë mrekullisë përballë Seviljes. Pas humbjes 2-1 në shtëpi, ekipi turk barazoi 2-2 në Spanjë dhe nëse do të kishte gjetur edhe një herë rrjetën mund të kishte shkuar në grupet e turneut. Cikalleshit nuk iu dha mundësia të jepte kontributin e tij pasi ishte lënë në tribunë nga trajneri Avci.

NDESHJET

Maribor-Hapoel Ber Sheva 1-0 (1-2)

15′ Viler

Nicë-Napoli 0-2 (0-2)

48′ Kajehon, 89′ Insinje

Rijeka-Olimpiakos 0-1 (1-2)

25′ Marin

Sevilja-Istanbul Bashakshehir 2-2 (2-1)

52′ Eskudero, 75′ Ben Jeder / 17′ Elia, 83′ Viska

Astana-Sëlltik 4-3 (0-5)

26’ (ag) Ajer, 48’ Muzhikov, 49’, 69’ Tvumasi / 33′ Sinkler, 80′ Ntçam, 90′ Grifiths

*Me të zeza skuadrat e kualifikuara në fazën në grupe të Ligës së Kampioneve. Humbëset shkojnë në fazën në grupe të Ligës së Europës

**Në kllapa, rezultatet e ndeshjeve të para

Sot pesë ndeshjet e fundit të play-off-it:

Sot në mbrëmje do të luhen pese ndeshjet e fundit të play-off-it të Ligës së Kampioneve në futboll.

E merkure (ora 20.45):

Slavia Praga (CEK) – APOEL Nicosie (QIP)       vajtja: 0-2

FC Copenhage (DAN)  – Qarabag FK (AZE)          0-1

Steaua Bukuresht (RUM) – Sporting Portugal (POR)      0-0

Liverpool (ANG) – Hoffenheim (GJER)                            2-1

CSKA Moska (RUS) – Young Boys Berne (ZVI)             1-0   

(Panoramasport)

Të fundit