Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ligji për mediat audiovizive, deputeti i PD: Rama miliona euro për Frangajn, Blushin, Hysenbelliun dhe Bollinon

Politiko 11 Qershor 2018, 23:29

“Ligji vetë është shndërruar nga Rama në një normë rrëmbyese, amoralitet publik dhe ndjek parimet e përfitimit ekonomiko-kriminal të kastës”, kështu e ka komentuar deputeti i Partisë Demokratike, Luçiano Boçi mbledhjen e disa drejtuesve të mediave private me kryetarin e AMA, Gentian Salaj, te cilet kerkojne miratimin nga Parlamenti të projektligjit të ri për mediat, që sipas tyre i bën ato të pavarura nga ndikimi i Qeverisë.

Sipasi Boçit, pas ndryshimeve të “Ligjit për mediat audiovizive” qëndron kryeministri Rama, i cili kërkon që miliona euro të publikut t’u kalojnë televizioneve që mbështetin mazhorancën.

“Me këto ndryshime kërkohet që fillimisht 30% e më pas 50% e parave që publiku paguan si tarifë fikse për aparatet televizive, tek RTSH, ti kalojë nëpërmejt Fondit të transmetimeve, televizioneve private klienteliste te Ramës”, thekson Boçi.

Kujtojmë se drejtuesit e TV kryesore si: Aleksandër Frangaj (Tv Klan), Ben Blushi (Top Channel), Irfan Hysenbelliu (Neës 24), Ilva Tare (Ora News), Carlo Bollino (Report Tv) dhe disa drejtues të tjerë televizionesh kanë kërkuar miratimin nga Parlamenti të projektligjit të ri për mediat, që sipas tyre i bën ato të pavarura nga ndikimi i Qeverisë.

Statusi i plotë:

PERDHOSJA E LIGJIT

Në Shqipëri ligji nuk është më, as moral dhe as parim, apo normë juridike dhe shteti i së drejtës tek ne po ndjek një trajektore tërësisht të zhdrejtë, i zhveshur plotësisht nga institucionet dhe gjykatat.

Ligji vetë është shndërruar nga Rama në një normë rrëmbyese, amoralitet publik dhe ndjek parimet e përfitimit ekonomiko-kriminal të kastës.

Reforma në drejtësi pësoi “përkthime” e vendime antikushtetuese monstruoze, vetëm e vetëm të arrihej kapja e drejtësisë.

Kodi i procedurës penale, me një të rë të lapsit, shndërrohet në një paragraf të tij për ekstradimin në Kod apenal, vetëm e vëtem për të nderuar pashallarët e krimit VKM-ja e Shkurtit 2017, për krijimin e AKCESK-ut, me një paragraf “fare të thjeshtë” i njeh të drejtën autoriteteve publike (Ministritë, Drejtoritë, Kryeministri) që nëpërmjet AKEP-it, të mbyllin aksesin për cdo media online.

Projektiligji personal i Ramës, për shembjen absurde të Teatrit Kombëtar dhe sanksionimin e grabitjes e pronës publike për të ndërtuar kullat personale e të klientëve, zgjedh kush do ndërtojë, cfarë grabitet, kush projekt fiton dhe hedh në erë trashëgiminë kulturore dhe historike të vendit.

Sikur të mos mjaftonin këto, vjen një tjetër propozim i Ramës, i cili kërkon të deformojë “Ligjin për mediat audiovizive” në disa nene thelbësore të tij.

Me këto ndryshime kërkohet që fillimisht 30% e më pas 50% e parave që publiku paguan si tarifë fikse për aparatet televizive, tek RTSH, ti kalojë nëpërmejt Fondit të transmetimeve, televizioneve private klienteliste te Ramës.

Bëhet fjalë për miliona euro që i merren publikut dhe i kalojnë klientëve specifikë.

Pazar ligjor dhe makutëri politike në dëm të interesit publik, krejtësisht antikushtetuese.

Në mënyrë cinike në raportin e ndryshimeve theksohet se këto financime publike të televizioneve private me demek do rrisin pavarësinë e lirinë e këtyre mediave.

Ndërkohë që ai i cili ia rrëmben një enti publik paratë për t’ia dhënë privatit është vetë kreytari i PS.

Në këtë projekt e kishin burimin dhe propozimet e fundit alla-Beqaj që u bënë në Komisionin e medias nga deputetët e majtë, për rritjen e tarifës së qytetarëve dhe që njerëzit të paguanin jo më për një, por për çdo aparat TV në shtëpi.

Kështu përdhoset ligji në Shqipëri.

Frangaj, Blushi, Hysenbelliu dhe Bollino ulen bashkë dhe dalin me disa kërkesa për Qeverinë e Ramës