Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ligjin i sponsorizimeve, këshillon deputeti: Shqipëria mjafton të kopjojë Kosovën!

Politiko 6 Tetor 2020, 20:35

Ligjin i sponsorizimeve, këshillon deputeti: Shqipëria mjafton të

Deputeti i Kuvendit të Kosovës, Bekim Haxhiu, i ka bërë thirrje deputetëve shqiptarë të marrin shembull nga Kosova për të miratuar një ligj të ri për sponsorizimet në sport. Haxhiu është një nga anëtarët e grupit të punës që ka bërë të mundur hartimin e më pas miratimin e ligjit për sponsorizimin në Kuvendin e Kosovës dhe ka pasur një rol kyç në këtë proces me kontributin e tij.

Deklarata vjen në një kohë kur në vendin tonë po bëhet një debat për ndryshimet ligjore, që vijnë si kërkesë e klubeve të Kategorisë Superiore. Liga Profesioniste e Futbollit i ka drejtuar disa kërkesa qeverisë, ku më e rëndësishmja është pikërisht ajo për ndryshimin e ligjit për sponsorizimin në sport.

Në një intervistë të dhënë për TV Klan, Haxhiu ka treguar impaktin që ka pasur ligji i ri në Kosovë dhe ka deklaruar se pas ndryshimeve ligjore cilësia e sportit është rritur e se të ardhurat që vijnë nga sponsorat është shumë herë më e madhe.

Gjithashtu, deputeti kosovar jep edhe një sugjerim për homologët e tij në parlamentin shqiptar, të cilët sipas Haxhiut mjafton ta kopjojnë ligjin, sepse nuk ka nevojë për përkthim dhe i sugjeron homologëve të tij në Shqipëri ta miratojnë këtë ligj pasi reflekton eksperiencën më të mirë botërore dhe do të ketë një impakt të madh në zhvillimin e sportit shqiptar.

- Sa kohë u desh që të miratohej ligji për sponsorizimet?

- Ligji për sponsorizimin si çdo ligj tjetër ka procedurat e tij parlamentare, votimin e parë dhe votimin e dytë. Por te ligji për sponsorizim kishte pak vështirësi, sepse duhej të harmonizohej edhe ligjin për tatimin në të ardhura korporate dhe tatimin të ardhura personale. Dhe kjo ka marrë pak më shumë kohë në raport me ligjet e tjera.

Por debatin e parë për sportin ne e kemi organizuar në vitin 2012. Isha bashkë me kolegen Vjollca Krasniqi, kur organizuam debatin e parë për ligjin në parlamentin e Kosovës dhe ku nxorrëm disa prej rekomandimeve dhe një ndër to ishte edhe miratimi i ligjit për sponsorizim dhe ligji kundër huliganizmit. Të dy këto ligje në parlamentin e Kosovës tanimë i kemi miratuar dhe janë në funksion.

- Si u arrit kuota prej 30%?

- Lirimi në tatim–fitim prej 30% ka qenë pas një konsultimi të gjerë me komunitetin e sportit, nevojën që të rriten investimet në sport, sepse në buxhetin e Kosovës, përafërsisht llogaritej që nga tatimi në fitim hyn prej 80 deri në 90 milionë në vit dhe ky 30% është nga kjo sasi, pra mund të lirohet, të investohet drejtëpërdrejtë në sport.

Që mos të jetë si mënyra e mbështetjes dhe investimit në sport ajo që ka qenë në kohën e komunizmit ku shteti i ka investuar aktivitetet dhe klubet sportive dhe federatat. Tani jetojmë në demokraci dhe duhet që përmes ligjeve, të cilat i favorizojnë investimet në sport, pra lirimet në sponsorizim dhe mbështetja përmes reklamimit. Janë dy gjëra që ne i kemi parashikuar në ligjin për sponsorizim. Të ardhurat nga sponsorizimi janë të ardhura të patatueshme për klubin, ndërsa të ardhurat nga reklamat janë të tatueshme për klubin, për përfituesin në këtë rast.

- Si ndikoi ky ligj në sportin e Kosovës?

- Ju po e shihni që vitet e fundit ka një rritje të cilësisë dhe kualitetit në sport, pra investime dhe mbështetje të sponsorëve në klub. Kompani të rëndësishme janë lidhur me klubet kosovare dhe kanë ndikuar në rritjen e kualitetit dhe cilësisë. Pra, ai 25-30 milionë që ka shkuar drejtëpërdrejtë në arkën e shtetit dhe pastaj shteti ka vendosur se ku t’i investojë ato, tani është e drejtë e kompanive se në cilat klube dhe kë duan të mbështesin.

- Si vlerësoni ju, a do t’i vlente ky ligj Shqipërisë?

- Ne kemi marrë shembuj të mirë, edhe nga Gjermania dhe nga Kroacia. Besoj që edhe Shqipëria tani duhet ta marrë shembull Kosovën, që të ketë një mbështetje më të fuqishme për sportin. Unë uroj që edhe kolegët e mi, deputetët e parlamentit të Shqipërisë, të marrin iniciativën. Ligji ynë është një ligj i mirë, nuk ka nevojë për përkthyes, e kanë të gatshëm edhe mund t’ia përshtasin sistemit ligjor të Shqipërisë.