Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

KRYESORE

Lirimi i Endrit Dokles, prokuroria e Krujës: Vendimi nuk është i mbështetur në ligj, do ta ankimojmë

Politiko 14 Janar 2020, 17:16
Lirimi i Endrit Dokles, prokuroria e Krujës: Vendimi nuk është i

Prokuroria pranë Gjykatës së Shkallës së Parë në Krujë është kundër vendimit të Gjykatës së Shkallës së Parë të Krujës për të liruar me kusht anëtarin e bandès së Durrësit, Endrit Dokle, pasi nuk është i mbështetur në ligj. Dokle ka qenë një ndër emrat më të përfolur të botës së krimit, ndërsa ishte i dënuar përjetë. 36 vjeçari ishte një ndër drejtuesit e “Bandës së Durrësit”, një nga organizatat kriminele më famëkeqe të vendit.

Në një njoftim për shtyp, Prokuroria pranë Gjykatës së Shkallës së Parë Krujë informoi se “ka qenë pjesëmarrëse në këtë proces dhe ka mbajtur qëndrimin e plotë për rrëzimin e kërkesës, me arsyetimin se jo vetëm se nuk plotësohen kushtet ligjore të parashikuara nga neni 64 i Kodit Penal, por edhe se nuk ekzistojnë të provuara arsyet e veçanta që kërkon norma.”

Gjithashtu prokuroria kërkoi përjashtimin e gjyqtares së çështjes, me arsyetimin se i njëjti trup gjykues ka dhënë vendime në favor të kërkuesit, kërkesë e cila nuk është pranuar nga gjykata.

Institucioni hetimor njoftoi se të gjitha kundërshtimet në lidhje me shkeljet procedurale si dhe zbatim të gabuar të ligjit Prokuroria Pranë Gjykatës së Shkallës së Parë Krujë do t’i parashtrojë në ankim brenda afatit ligjor.

Më herët, Gjykata e Shkallës së Parë Krujë me vendimin nr. 6/123 datë 14.01.2020 vendosi : “Pranimin e kërkesës së kërkuesit Endrit Dokle. Lirimin me kusht të kërkuesit Endrit Dokle, i biri i Mensurit dhe i Rahimes datëlindja 31.12.1983, lindur në Kukës dhe banues në Tiranë, duke e vënë në provë për një periudhë prej 5 (pesë) vjetësh.

“Në zbatim të nenit 60 pika 9 të Kodit Penal detyrohet Endrit Dokle që gjatë kohës së provës të mos shoqërohet me persona të caktuar kryesisht me të dënuar apo bashkëpunëtorë të veprës penale. Në zbatim të nenit 60 pika 10 e Kodit Penal detyrohet kërkuesi Endrit Dokle që gjatë periudhës së provës të mos zotërojë, mbajë apo përdorë armë. Urdhërohet kërkuesi Endrit Dokle të mbajë kontakte me Shërbimin e Provës”, ishte njoftimi i gjykatës.

Të fundit