Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lirohet 1500 m2 plazh i zaptuar në Golem, procedohen penalisht edhe 3 zyrtarë të Bashkisë Kavajë

Politiko 8 Gusht 2019, 09:37
Lirohet 1500 m2 plazh i zaptuar në Golem, procedohen penalisht edhe 3

Vijon operacioni ‘Plazh i lirë’ në vijën bregdetare kundër informalitetit.

Sipas policisë, nga aksioni janë liruar 1500 m2 plazh i zaptuar në mënyrë të paligjshme. Për këtë, u proceduan penalisht 3 administratorë të këtyre subjekteve, si dhe 3 zyrtarë të Bashkisë Kavajë për ‘shpërdorim detyre’.

“Sekuestrohen 200 shezlongë dhe 140 çadra plazhi, të vendosura në mënyrë të paligjshme në hapësirat publike.

Procedohen tre pronarë subjektesh për veprat penale "Fshehja e të ardhurave" "Mospagim i taksave" dhe "Pushtimi i tokës"

Procedohen penalisht edhe 3 zyrtarë të Bashkisë Kavajë për shpërdorim detyre.

Komisariati i Policisë Kavajë, në  bashkëpunim me strukturat e Krimit Ekonomik e Financiar të Drejtorisë së Përgjithshme të Policisë Shtetit dhe Drejtorisë Vendore të Policisë Tiranë, kanë  ushtruar kontroll në subjektet që ushtrojnë aktivitet biznesi në zonën e bregdetit në plazhin e Golemit në Kavajë.

Nga ky kontroll rezultoi se 3 subjekte tregtare ushtronin aktivitet të kundërligjshëm  në shfrytëzimin e hapësirës së plazhit (rërës), pa paguar detyrimet financiare dhe pa u pajisur me  kontratë qiraje për përdorimin, nga Bashkia Kavajë. Në përfundim të veprimeve  u proceduan penalisht shtetasit E. F., B. Ç. dhe M. B., administratorë të këtyre subjekteve.

Po gjatë operacionit Policia procedoi penalisht për veprën penale "Shpërdorimi i detyrës", 3 zyrtarë të Bashkisë, të cilët nuk kanë kryer detyrën, duke lejuar që këto biznese dhe të tjera të proceduara më parë nga Policia, të ushtronin aktivitet në mënyrë të kundërligjshme, konkretisht shtetasit:

  1. P., me detyrë përgjegjës i Zyrës së Kadastrës Urbane dhe të Menxhimit të Aseteve Publike, në Bashkinë Kavajë.

  2. Sh., me detyrë Drejtor i Drejtorisë së Tatim Taksave Vendore në Bashkinë Kavajë

  3. L., me detyrë Kryeinspektor i Policisë Bashkiake në Bashkinë Kavajë.

Operacioni vijon”, njofton policia.

Të fundit