Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lista me emrat/ Albpetrol nis “fshesën”, Denoncimi i PD: As Armando Subashi nuk po pyetet

Politiko 9 Prill 2020, 17:33

Lista me emrat/ Albpetrol nis “fshesën”, Denoncimi i PD: As

Ish-deputeti i PD, Luan Baçi denoncoi të enjten se kompania e naftës Albpetrol po largon masivisht punëtorët nga puna. Sipas tij, drejtoresha Erjola Muka po e kryen pushimin nga puna të punëtorëve me arsyen e “reformimit” të kompanisë. “Situatave shumë të vështira, të krijuara nga pandemia COVID-19 në Fier, Patos, Mallakastër dhe Rroskovec, qeveria e KM Rama, po u vjen në “ndihmë” duke pushuar nga puna qindëra punonjës të tjerë. Shumë të alarmuar dhe të shqetësuar, qindra punonjës të Albpetrol nga njoftimi që u është bërë për largimin nga puna kërkojnë ndihmë, kërkojnë spjegime, por askush nuk u përgjigjet. Drejtoresha e Albpetrol një zonjë me emrin Erjola Muka, e ardhur me porosi nga lartë si gjithmonë, pra nga naltgjatësia e tij, po e ‘reformon’ këtë kompania në detaje pa pyetur askënd, madje sipas gojëve të liga as vetë të vetëquajturin të plotpushtetshëm z. Subashi”, shkruan Luan Baçi.

Baçi shkon më tej, duke treguar se “Albpetrolin po përgatiten ta gllabërojnë”, ndërsa thotë se po mundohen ta kalojnë pa zhurëm. “Gjithmonë duke drejtuar me korespodencë, nga Tirana dhe duke vënë në lëvizje sejmenët e servilët dhe të gjithëpërdorshëm drejtues të dorës së dytë në këtë kompani. Krietret dihen tashmë: duhet ruajtur kocka e partisë (rilindja) pasi numri i punonjëve që mbetet është i vogël, pasi Albpetroli po përgatiten ta glabërojnë përfundimisht para se të largohen, gjë që tashmë e kanë të sigurtë. Po mundohen ta kalojnë pa zhurmë dhe pa bujë, duke i joshur me premtime dhe mbajtur me shpresa. Jo më kotë zgjodhën këtëkohë, ku qytetarët janë në vetëizolim, pasi e dinë që pavarësisht se pothuaj të gjithë sa kanë mbajtur në punë, në një formë po në një tjetër u kanë marrë votën, ata përsëri do të reagonin dhe kundërshtonin këto vendime absurd dhe aq më tepër në një kohë shumë të vështirë”, shkruan ish-deputeti demokrat.

Luan Baçi shton më tej se kjo është gjasme reform, pasi po merren punëtorë të tjerë në punë. “Problemi është se edhe gjatë kësaj periudhe, që po bëjnë gjasme reformë, riorganizim, bashkim dhe shkrirje ndërmarrjesh, kanë vazhduar të marrin në punë të tjerë punonjës, natyrisht që plotësojnë “kriteret” e reja të vazhdimësisë. Gojët e liga thonë se këtë herë, Subashi i bashkisë ka kërkuar ndihmë nga “lartë” dhe mund të ndodhë që një pjesë e punonjësve që kanë fatin e njohjes me Subashin edhe mund të rikthehen”, shkruan Baçi.