Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Listat e mbyllura ishin pengesë", Balla sulmon opozitën: PD dhe LSI tradhëtuan mandatet e popullit, për hir të një maskarade politike

Politiko 16 Shtator 2020, 19:45

"Listat e mbyllura ishin pengesë", Balla sulmon opozitën: PD

Sekretari i Përgjithshëm i Partisë Socialiste, Taulant Balla, ka marrë pjesë në Asamblenë Socialiste të Cërrikut në kuadër të takimeve parapërgatitore për zgjedhjet parlamentare të vitit 2021.

Në fjalën e tij, Balla nënvizoi se “kanë qenë listat e mbyllura ato të cilat kanë penguar fuqizimin e ndikimit të votuesve në përzgjedhjen e kandidatëve dhe kufizimin e fuqisë së kryetarit të partisë në përcaktimin e deputetëve.”

Për Ballën, me ndryshimet e reja kushtetuese shqiptarëve iu është garantuar e drejta që në zgjedhjet e 25 prillit të zgjedhin qoftë forcën politike të cilës duan t’i besojnë qeverisjen e vendit, por gjithashtu të japin preferencën e tyre për deputetin që duan në Kuvend.

“Është fakt i pakundërshtueshëm se listat e mbyllura kanë penguar fuqizimin e ndikimit të votuesve në përzgjedhjen e kandidatëve dhe kufizimin e arsyeshëm të fuqisë së udhëheqjes apo të kryetarit të partisë në përcaktimin e deputetëve. Listat e mbyllura ishin pengesë për përfaqësimin më të mirë të komuniteteve në parlament dhe lehtësimin e ndikimit të grupimeve partiake mbi komunitetet kur vjen puna te zgjedhja e individëve.

Jam shumë krenar që edhe në këtë vendim të rëndësishëm Partia Socialiste, si gjithmonë, u vendos në anën e duhur të historisë, të zhvillimit demokratik dhe të përsosjes së plurarizmit dhe në anën e duhur të popullit shqiptar, të zgjedhësve shqiptarë, të cilëve me këtë votë ne u japim mundësinë të zgjedhin, jo vetëm partinë, por dhe deputetin që duan”, tha Balla.

Gjatë takimit, nga Cërriku Balla nuk i ka kursyer as kritikat ndaj kundërshtarve politik të opozitës jashtëparlamentare, të cilëve iu ka kujtuar edhe njëherë braktisjen që i bën parlamentit 18 muaj më parë, duke tradhëtuar kështu sipas tij vullnetin e zgjedhëzve për hir të një maskarade politike.

“Gjatë këtij mandati të Kuvendit, 18 muaj më parë deputetë të PD dhe LSI tradhëtuan mandatet që u kish dhëne popullit, për hir të një maskarade politike të pashoqe në historinë e vendeve demokratike. Këta soj politikanësh që tradhëtojnë zgjedhësit e tyre, nuk mund tu besohet më vota. Politikanë që e shohin territorin nga foltorja e selisë së partisë, duke tradhëtuar zgjedhësit me axhendën dritëshkurtër partiake.

Këtu në Cërrik, në nëntë vitet e fundit ka qeverisur katër vite PD dhe më pas katër LSI. 8 vite të humbura, me një qeverisje vendore të pa-aftë dhe të korruptuar. Prej 30 Qershorit 2019 bashkia ju kthye njerëzve, popullit të Cerrikut dhe ne duhet t’i qëndrojmë besnikë pritshmërive të njerëzve. Edhe pse në vështirësitë e tërmetit dhe pandemisë, Cërriku po merr shumë investime të rëndësishme publike infrastrukturore si në ujësjellës, rrjeti i energjisë elektrike, shkolla, qendra shëndetësore etj”, deklaroi Balla.