Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lori Hoxha: Pavarësisht trashëgimisë që na la babai, nëna ime rriti e vetme katër fëmijë dhe mbajti një perandori në kurriz

Politiko 8 Mars 2018, 12:15

Trashëgimtare e ‘Top Media’ Lori Hoxha, ka zgjedhur këtë ditë për të dhënë një mesazh të fortë për të gjitha gratë dhe vajzat, dhe për të falënderuar në veçanti nënën e saj e cila ka rritur e vetme katër fëmijë.

Nëpërmjet një postimi në ‘Instagram’, Lori është shprehur se edhe pse na kanë mësuar që fëmijë se kemi nevojë për një mashkull për t’ia dalë mbanë në jetë, këto janë “idiotësi” pasi familja e saj i’a ka dalë e vetme pavarësisht pasurisë që i’u la i ati.

“Na kanë mësuar që në moshë të vogël që ne kemi nevojë të gjejmë princin tonë dhe se pa të nuk jemi të plota. Shoqëria na ka ngulitur në tru idenë se vajzat e vogla nuk mund t’ia dalin të vetme, pa ndihmën e një mashkulli. Ndoshta për disa prej jush nuk ka vlerë, por unë ju them të mos i dëgjoni këto idiotësi. Më është thënë gjithë jetës sime si e rritur, që jam e vetme në këtë botë dhe çdo arritje e kam prej tim ati. Pavarësisht se jam shumë e nderuar dhe e lumtur që jam vajza e tij dhe e di shumë mirë impaktin që ka në jetën time, unë isha vetëm 14 vjeç kur ai ndërroi jetë. Ndërsa e falënderoja atë gjatë gjithë jetës për gjithçka rrugës kam harruar që ja kemi dalë vetë në këto 10 vite. Nëna ime, dy motrat dhe unë kemi luftuar kundër çdo gjëje për të qenë këtu dhe për t’ia dal të vetme edhe pse na është thënë se nuk jemi mjaftueshëm të mira për ta arritur, sepse jemi femra dhe na duheshin meshkuj me kostume që ta na merrnin seriozisht”, shkruan Lori në postim.

Ajo gjithashtu ka shprehur krenarinë për mamanë e saj e cila ka rritur katër fëmijë e vetme dhe ka mbajtur mbi kurriz një perandori

“Mami im rriti 4 fëmijë dhe ka mbajtur një perandori mbi kurriz, motra ime ndërtoi familjen e saj dhe është një nga nënat më të mira që kam takuar ndonjëherë edhe pse ende vazhdon të shkollohet për të mbaruar juridikun dhe për të ndjekur ëndrrat e saj. Ndërsa motra e vogël padyshim që do të jetë një vajzë e fortë dhe e suksesshme që kurrë nuk do mposhtet nga një mashkull. Ndërsa unë jam kaq krenare që mund të them se i njoh këto femra dhe kam jetuar me to. Jam krenare për ju. Nëse je një vajzë e vogël që po e lexon këtë , duhet të dish që duhet ta respektosh veten dhe ke për t’ia dalë më së miri”, ka shkruar Lori, bashkangjitur një fotoje me trëndafila.