Flash News

Goditet me gotë qelqi e reja në Korçë që denigronte minorenet në Instagram

Akuzat për dënim në Greqi: Prokuroria thotë se po e verifikon prej 1 viti rastin “Gjoka”

27-vjeçari i dehur në timon përplas policin në Peshkopi

SPAK ngre tjetër akuzë ndaj Ajola Xoxës, do të hetohet edhe për fshehje të ardhurash

Zhduket i riu në Tiranë

KRYESORE

LSI ngre pikpyetje për takimin Meta-Demiraj: U diskutua për drogën dhe listën e 124 kriminelëve?

Politiko 4 Gusht 2017, 19:05
LSI ngre pikpyetje për takimin Meta-Demiraj: U diskutua për

LSI ka reaguar pas takimit të Presidentit të Republikës Ilir Meta me Minstrin e Brendshëm Dritan Demiraj, për situatën e rënduar të zjarreve që kanë pushtuar vendin. Është nënkryetari i LSI, Luan Rama, i cili nëpërmjet një statusi në facebook që shpreh dakordësinë për diskutimin mbi situatën e zjarreve dhe ngre disa pikpyetje mbi këtë takim.

Ai shpreh shqetësimin se a është informuar Presidenti iRepublikës, për “zjarrin” e drogës që ka pushtuar vendin dhe listën e 124 kriminelëve që sipas tij po lihet në harresë. Nëse kjo nuk ka ndodhur, nënkryetari i LSI, propozon që Presidenti Meta duhet të thërrasë, Ministri i Brendshëm, Prokurorin e Përgjithshëm, drejtorin e SHISH, dhe kryeministrin për ta kthyer luftën e anti-dorgës në aksion kombëtar.

Statusi i plotë:

Vëmendja tek zjarret, nuk duhet të na bëjë të "harrojmë" listën e kriminelëve të drogës!

Siç bëhet e ditur zyrtarisht, Presidenti i Republikës zhvilloi një takim me Ministrin e Brendshëm, gjatë të cilit, citoj njoftimin zyrtar të zyrës së shtypit të Presidencës:

"... Kreu i Shtetit i Shtetit diskutoi me shqetësim dhe vëmendje maksimale mbi situatën e rëndë në të cilën ndodhet vendi ynë për shkak të zjarreve në disa qarqe".

Natyrisht, njoftimi është më i gjatë e më i detajuar, por thelbi është në çfarë citova më lart.

Shumë mirë deri këtu! Sepse zjarret po djegin Shqipërinë! 

Dhe me gjithë përpjekjet e sforcuara dhe angazhimin e një morie institucionesh, edhe për shkak të një strukture inefiçente të mbrojtjes kundër zjarrit e të pa pajisur me e mjetet e nevojshme, zjarret vazhdojnë të bëjnë kërdinë, sidomos në pyje, e të mbeten një rrezik i madh. 

Mirëpo unë gjetiu e kam fjalën. 

A u informua Presidenti i Republikës prej Ministrit të Brendshëm për atë "zjarrin" tjetër, për drogën që po e djeg Shqipërinë prej vitesh e që u rindez në kohën e Rilindjes në të gjithë teritorin e vendit?

A ju bë e njohur Presidentit të Republikës lista me 124 emrat e shpallur si kriminelët e drogës prej vetë Kryeministrit e më pas edhe prej Ministrit të Brendshëm?

Vëmendja tek zjarret që po djegin Shqipërinë, nuk duhet të na bëjë të harrojmë listën e kriminelëve të drogës!

E meqë po bëhet mbi një javë që Kryeministri deklaroi se e ka këtë listë, a ka ndërmarrë ndonjë veprim procedurial Prokuroria, qoftë edhe kryesisht, siç e lejon edhe Kodi i Procedurës Penale, pavarësisht faktit nëse e dërgon në Prokurori këtë listë Kryeministri apo jo?

Eshtë koha për luftë me forcën e ligjit ndaj çdo veprimtarie kriminale e sidomos, ndaj kultivimit e trafikimit të drogës!

Ndaj Presidenti i Republikës, nëse nuk është informuar zyrtarisht nga Ministri i Brendshëm për "listën me 124 emrat e kriminelëve të drogës" dhe se çfarë po bëhet për t'i dërguar ata në duart e ligjit, duhet ta thërrasë sërish.

Duhet ta thërrasë e jo vetëm të informohet.

Duhet të thërrasë edhe Prokurorin e Përgjithshëm, edhe Drejtorin e SHISH, edhe Kryeministrin, sepse lufta kundër drogës duhet kthyer në një aksion kombëtar.

Kjo është një luftë që duhet fituar medoemos, për të shpëtuar Shqipërinë!

Të fundit