Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Lufta e Vlorës dëshmoi se ky vend ka zot", Meta 'ngacmon' Ramën: Kur populli merr në dorë fatet e veta, ato janë të sigurta

Politiko 2 Shtator 2020, 20:56

"Lufta e Vlorës dëshmoi se ky vend ka zot", Meta

Presidenti Ilir Meta së bashku me kryeministrin Rama, kryepalamantarin Gramoz Ruçi dhe zyrtarë të tjerë kanë marrë ka sot pjesë në ceremoninë solemne tek “Sheshi i Flamurit” në Vlorë, në kuadër të 100- vjetori i Luftës së Vlorës.

Në fjalën e tij, Meta theksoi se “Lufta e Vlorës shënoi fitore historike dhe më në fund Shqipëria u bë.”

Kjo ‘Luftë’ sipas Presidentit ishte vendimtare 100 vite më parë për të treguar se “Shqipëria ka zot, ai është populli dhe kur populli merr në dorë fatet e veta ato janë të sigurta.”

Përmes kësaj fraze, Meta në një farë mënyre ka ‘ngacmuar’ kryeministrin Rama, pas përplasjeve të shumta dhe klimës së rënduar politike gjatë kohëve të fundit për çështjen e kufijëve me Greqinë.

Fjala e plotë e Metës:

Të dashur motra dhe vëllezër vlonjatë. Lufta e Vlorës 1920, ishte lufta më e vërtetë e Shqipërisë. Që garantoi pavarësinë e Ismail Qemalit. Ishte lufta kombëtare për territorin, autoritetin, dhe ndalimin e planeve anti- shqiptare. Që vinin në pikëpyetje Shqipërinë.

Shpërtheu në një moment kyç, kur ushtritë zbarkuan në Shqipëri duke shkelur me këmbë. Thirrja e Ëilson, për t’iu dhënë fund traktateve të fshehta, ngjallën shpresa tek shqiptarët. Por çështja e Shqipërisë ishte e nënçmuar.

Vendin e ushtrive, e zunë projektet e copëtimit. Nuk u pranuan nga kapedanët e çetave, dhe populli u ngrit në këmbë për të luftuar. Vlora mori në duar fatet e veta. Dhe jo vetëm. Vlora, Mallakastra, Tepelena, Korça, Shkodra e Malësia me gjithë Shqipërinë.

Shqiptarët kanë luftuar shumë për të drejtat e tyre, por edhe për popujt e tjerë. Bën dallim thelbësor, se ishte fitimtare. 100 vjet më parë, qeveria e Kongresit të Lushnjes fitoi autoritet. Ishte fitore historike. Më në fund Shqipëria u bë në mënyrë të pakthyeshme. Krijoi modelin e kundërshtimit të sundimeve të huaja. I dha fund projekteve për shpërbërjen e Shqipërisë.

Dëshmoi se ky vend ka zot, dhe zoti është vetë populli. Model i disiplinuar, atdhetar, dhe njohje të rreptë të ligjeve ndërkombëtarë. Vlora ia ka ngritur kryet Shqipërisë në momentet më të vështira.

Sot nderojmë Vlorën, komandantët, gjyqtarët, ata që hartuan ultimatumin, dhe ata që e zbatuan me gjak. Kujtojmë dhe vlerësojmë Diasporën në Amerikë, që pati rëndësi shpëtimtare. Atdhetari i madh, Fan Noli bindi Ëilsonin që Amerika të jetë pranë Shqipërisë, dhe ajo nuk do shpërbëhet.

Kur populli merr në dorë fatet e veta, ato janë të sigurta. Burim frymëzimi dhe vetbesimi për popullin shqiptar. Mos harrojmë se 22 vite më pas, jo larg nga këtu katër djem të rinj vlonjatë bënë një histori të jashtëzakonshme, katër 20- vjeçarë kundër 400 fashistëve. Ranë heroikisht pikërisht sepse ishin të mbrojtur me krenarinë që Lufta e Vlorës u dha shqiptarëve.

Ashtu sikurse Perlat Rexhepi me 2 shokë të tjerë, do të shkruanin një nga epopetë më të mëdhaja të luftës, atë të Shkodrës. Simbol i qëndresës, duke i treguar botës se ky vend ka zot, dhe zoti është populli. Nderim dhe mirënjohje të thellë për kapedanët dhe trimat, që na kanë lënë mesazhin e qartë, dhe do jetë gjithmonë, se në vendin e shqiponjave lindin vetëm shqiponja që e mbrojnë gjithmonë atdheun. Çdo 3 shtator, dhe ço 29 nëntor çdo shqiptar ndihet i lirë. Këtu u ngrit flamuri, këtu u rrit liria, këtu ndodhi pavarësia.