Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Lufta’ për Telekomin në Kosovë; 26 milionë euro gjobë dhe rreth 4000 vende pune të rrezikuara

Politiko 6 Maj 2019, 13:21
‘Lufta’ për Telekomin në Kosovë; 26 milionë euro

Në Kosovë është duke zhvilluar një debat i gjerë për kompaninë publike të telekomunikacionit, PTK-në. Kjo kompani rrezikon falimentin për shkak të një borxhi që i detyrohet kompanisë Z-Mobile dhe që arrin në 25 milionë e 900 mijë euro.

Një prej kompanive që sjell të ardhura të shumta në buxhetin e Kosovës, PTK ndodhet tashmë në një krizë, e cila ka vënë në rrezik edhe vendet e punës për rreth 4000 qytetarë.

Më 25 janar të vitit 2016, Z-mobile e dërgoi Telekomin e Kosovës në Gjykatën Ndërkombëtare të Arbitrazhit me akuzën se ishte dëmtuar në ofrimin  jo të duhur të shërbimit 3G dhe 4G. Sipas kësaj kompanie private, në pronësi të biznesmenit të njohur Blerim Devolli, PTK kishte reduktuar në mënyrë të njëanshme kualitetin e shërbimeve për abonentët e Z-Mobile.

Në kontratën që dy kompanitë kishin lidhur, zyrtarët e PTK akuzojnë Z-Mobile se nuk ka kryer asnjë prej shërbimeve dhe investimeve që kishte marrë përsipër.

Vendimi i marrë në Arbitrazh ishte se PTK duhet t’i paguajë Z-Mobile rreth 26 milionë euro.

Edhe rreth 1 javë i ka mbetur në dispozicion kësaj kompanie publike për të paguar borxhin, në të kundërt Z-Mobile do të fillojë procedurat e përmbarimit. Kjo lëvizje është kundërshtuar nga sindikata e PTK-së, e cila paralajmëron protesta të ashpra, pasi rrezikohen shumë vende pune.

Qeveria e kryeministrit Ramush Haradinaj nuk ka pranuar të përfshihet në gjetjen e një zgjidhje në konfliktin ku janë përfshirë dy kompanitë. Pak ditë më parë u denoncua se kunata e kryeministrit është e punësuar në PTK, por Haradinaj u shpreh se nëse punësimi është i jashtëligjshëm, ajo duhet të shkarkohet, duke mohuar ndërhyrjen në vendimmarrje.

Ndërkohë, ministri i Zhvillimit Ekonomik, Valdrin Lluka sheh si mundësinë më të mirë për daljen nga kriza privatizimin e Telekomit. Sipas tij, gjoba e vendosur ndaj PTK-së është e pamundur të paguhet.

Por ky qëndrim i ministrit Lluka po shihet me dyshim në Prishtinë për shkak të së kaluarës së tij si drejtor i Marketingut në Z-Mobile.

Të fundit