Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Desktop - General - 1

KRYESORE

“Luftë tregtare Shqipëri-Kosovë”, Duka thirrje qeverisë: Zgjidh situatën, dëmton prodhuesit dhe konsumatorët

Politiko 17 Korrik 2018, 18:32

All - Paragraf - 1

Partia Agrare Ambientaliste ka denoncuar atë që ajo e quan si lufta tregtare mes Shqipërisë dhe Kosovës. Sipas kreut të PAA-së, Agron Duka, qeveria e Kosovës ka vendosur një masë mbrojtëse me vlerë 30% për të gjitha produktet shqiptare që hyjnë në territorin e Kosovës.

All - Paragraf - 3

Vendimi hynë në fuqi ditën e nesërme dhe sipas Dukës, deri më tani prodhuesit shqiptar nuk janë njoftuar për këtë taksim.

“Miratimi i masës së njëanshme mbrojtëse, për të cilën, deri më tani prodhuesit shqiptarë nuk janë njoftuar nga qeveria e Tiranës, do të thotë shkelje e rregullave të tregut të lirë, pasi kur një shtet vendosë të mbrojë në këtë mënyrë prodhimtarinë e vet, atëherë rrezikon që edhe shtetet tjera të miratojnë kundër-masa.

Një vendim i tillë është një goditje e drejtpërdrejtë jo vetëm ndaj fermerëve shqiptarë, të cilët janë ndër eksportuesit kryesor të produkteve bujqësore, por edhe ndaj importuesve të Kosovës”, shkruan Duka në rrjetin social Facebook.

PAA i bën thirrje urgjente qeverisë shqiptare dhe ministrive të linjës që të angazhohen sa më parë në zbardhjen e kësaj situate që rrezikon të shndërrohet në një luftë tregtare midis dy vendeve, ku, sipas tij, humbës do të jenë prodhuesit dhe konsumatorët nga të dyja anët. Duka sjell në vëmendje edhe mbledhjet e përbashkëta që kanë zhvilluar dy qeveritë mes tyre, të cilat mesa duket, thotë Duka, kanë prodhuar vetëm vizita turistike.

“Nëse mbledhjet e përbashkëta midis dy qeverive, që me sa duket kanë prodhuar vetëm vizita turistike, nuk janë në gjendje të rrëzojnë barrierat që koha ka ngritur midis shqiptarëve, të pakën të mos krijojnë dëme të panevojshme nëpërmjet masave të tilla, të cilat nuk janë mbrojtëse, por ndëshkuese për ekonomitë tona në terma afatgjata”, mbyll reagimin e tij Agron Duka, teksa e shoqëron postimin e tij edhe me një foto të vendimit të qeverisë së Kosovës.

Postimi i plotë i Agron Dukës

“Luftë tregtare midis Shqipëri-Kosovë”

Prej ditës së nesërme, në mënyrë të njëanshme, pa asnjë paralajmërim dhe arsyetim, produktet bujqësore shqiptare që kanë si destinacion Republikën e Kosovës, do të jenë objekt i një mase mbrojtëse me vlerë 30%.

Në listë janë produkte si patatja, domatja, speci, trangujt, shalqiri, pjepri, lakra, spinaqi, qepa, molla, dardha, kumbulla, qershia, misri etj.

Sipas rregullave të CEFTA-s, ku Shqipëria dhe Kosova janë anëtare, një shtet mund të vendosë masa të përkohshme për mbrojtjen e prodhimtarisë vendore që mund të zgjasin deri në stabilizimin e tregut, por për këtë, në mënyrë dypalëshe, duhet të njoftohen vendet dhe të arsyetohen masat.

Miratimi i masës së njëanshme mbrojtëse, për të cilën, deri më tani prodhuesit shqiptarë nuk janë njoftuar nga qeveria e Tiranës, do të thotë shkelje e rregullave të tregut të lirë, pasi kur një shtet vendosë të mbrojë në këtë mënyrë prodhimtarinë e vet, atëherë rrezikon që edhe shtetet tjera të miratojnë kundër-masa.

Partia Agrare Ambientaliste i bën thirrje urgjente qeverisë së Shqipërisë, sidomos ministrive të linjës, mediave dhe grupeve të interesit, që të angazhohet sa më parë në zbardhjen e kësaj situate që rrezikon të shndërrohet në një luftë tregtare midis dy vendeve; ku humbës do të jenë prodhuesit dhe konsumatorët nga të dyja anët e një trau doganor që është një barrierë anakronike e cila duhet t’i përkiste të shkuarës.

Nëse mbledhjet e përbashkëta midis dy qeverive, që me sa duket kanë prodhuar vetëm vizita turistike, nuk janë në gjendje të rrëzojnë barrierat që koha ka ngritur midis shqiptarëve, të pakën të mos krijojnë dëme të panevojshme nëpërmjet masave të tilla, të cilat nuk janë mbrojtëse, por ndëshkuese për ekonomitë tona në terma afatgjata.