Macron viziton sot Serbinë, temë diskutimi edhe dialogu me Kosovën

Pritet të mbërrijë sot në Serbi presidenti i Francës, Emmanuel Macron.

Gjatë kësaj vizite, Macron pritet të nënshkruajë bashkë me homologun e tij serb, Aleksandër Vuçiç një sërë marrëveshjes, kryesisht në fushën e ekonomisë, apo të armatimit.

Po ashtu, pjesë  e diskutimit do të jetë edhe dialogu me Kosovën dhe çështja e taksës e vendosur nga Prishtina prej disa muajsh ndaj mallrave serbe.

“Askush nuk mund të më bindë se Evropa Perëndimore, në të cilën Franca është një nga udhëheqëset, dhe Shtetet e Bashkuara, nuk mund ta detyrojnë Ramush Haradinajn,për tetë muaj, të heqë një vendim të turpshëm administrativ”, tha Daçiç, i cili shtoi se vizita e Macron është një nga më të rëndësishmet  në dekadën e fundit në Beograd.