Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Majko nderon me dy çmime biznesmenin që Veliaj i hoqi ‘Shqiponjën e Pavarësisë’

Politiko 3 Mars 2019, 21:46

“Shqiponja e Artë” dhe “Ambasador i Kombit”. Këto janë dy çmimet e larta që iu dhanë filantropit Lazim Destani, gjatë zhvillimeve të Samitit të Dytë të Disasporës që u mbajt në Tiranë.

Trofeu “Shqiponja e Artë” iu dorëzua Destanit gjatë mbrëmjes gala në Pallatin e Kongreseve, për meritat e tij si njeri human dhe histori suksese në botë, ndërsa çmimi i dytë “Ambasador i Kombit” iu dorëzua nga ministri shqiptar për Diasporën, Pandeli Majko, si një njeri i shquar, human dhe filantrop i njohur, raportojnë mediat shqiptare.

Interesant është fakti se çmimet i mori në një kohë që Nëntor të vitit të kaluar, bashkia hoqi ‘Shqiponjën e Pavarësisë’ te 'Rrethrrotullimi i Doganës' në hyrje të Tiranës me kosto mbi 250 mijë euro me rastin e 100-vjetorit të Pavarësisë në vitin 2012. Ngjarja shkaktoi mjaft debate mes mazhorancës dhe opozitës, teksa kryeministri Rama e quajti objektin si vulgar.

Destani ndodhej në Tiranë, ku mori pjesë në Samitin e Dytë të Diasporës. Në këtë samit morën pjesë autoritete shtetërore nga Shqipëria, Kosova, Maqedonia e Veriut e nga trojet tjera shqiptare, si dhe përfaqësues të shumtë nga komuniteti i bizneseve të Diasporës shqiptare.

“Është kënaqësi dhe me rëndësi të veçantë takimi ynë sot këtu në Tiranën e bukur, për ta mbajtur Samitin e Dytë të Diasporës. Motoja uroj të jetë ‘të bashkuar jemi më të fortë, më të fuqishëm’. Zhvillimi ekonomik i trojeve tona është me interes mbarëkombëtar dhe parësor. Unë e çmoj lart të gjithë spektrin politik, si në Shqipëri ashtu dhe në të gjitha viset tona, por kur është në pyetje zhvillimi ekonomik i atdheut mendoj se interesat politike e partiake duhet të tejkalohen. Të rinjve tanë, jo që nuk u interesojnë bindjet politike, por ata më shumë duan të kenë jetë më cilësore dhe më shumë mundësi për prosperitet dhe avancim”, përfundoi Destani.

Të fundit