Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

"Malësia e Madhe nis Vitin e Ri me 24 orë ujë çdo ditë", Rama: Nuk ç'kurajohemi nga ata që shohin politikën si tifozë të verbër futbolli

Politiko 23 Gusht 2020, 13:51

"Malësia e Madhe nis Vitin e Ri me 24 orë ujë çdo

Vijojnë investimet e qeverisë në rrjetin ujësjellës. Pas projektit për furnizimin e Laçit me ujë pandërprerje, një tjetër projekt i ngjashëm ka nisur në Malësinë e Madhe.

Kryeministri Rama bën me dije se një rrjet tubacionesh prej 88 kilometra është shtruar me qëllim shfrytëzimin e burimeve të vargmaleve për ujë të pijshëm. Sipas Ramës, ka përfunduar rreth 90% e punimeve të këtij projekti dhe deri në vitin e ri pritet të përmbyllen të gjitha, duke ju mundësuar banorëve ujë 24 orë në ditë.

Sërish një mesazh Kryeministri e ka patur për zërat kundër qeverisë, ndërsa shprehet: “le të vazhdojnë të përqeshin e të shajnë ata që e kanë fjalën e keqe në majë të gjuhës, po fakti është se kjo qeveri po bën për ujin e pijshëm çka për dekada nuk u bë kurrë nga asnjë prej qeverive paraardhëse dhe ne do ta vazhdojmë punën pa u lodhur, e pa u çkurajuar nga sharjet e mallkimet e atyre që kanë nostalgji për vitet e rrumpallës “demokratike”, duke e parë politikën si tifozë të verbër futbolli e jo si mjet që i duhet lënë në dorë kujt di ta bëjë punën më mirë, në shërbim të vendit e të njerëzve.”

Postimi i plotë i Ramës:

💧KANTIERI I UJIT në Malësinë e Madhe është i pari investim nga qeveria, për furnizimin me ujë qysh prej vitit 1990, kur është kryer edhe investimi i fundit, para ndryshimit të sistemit politik në Shqipëri. Nga 13.505 banorët e Koplikut me një furnizim mesatar 4 orë në ditë (në kohë thatësire bie në 90 minuta!), afro 4.500 prej tyre nuk kanë asnjë pikë uji në rubinet prej plot 25 vjetësh!!!

Qeveria jonë ka nisur prej disa kohësh projektin për furnizimin e pandërprerë 24 orë të tyre, duke shtruar një rrjet 88 kilometra për të shfrytëzuar burimet e vargmaleve dhe sot janë kryer 90% e punimeve, që do të thotë se këtë Vit të Ri zona urbane e Malësisë së Madhe, do ta lerë pas përfundimisht kalvarin e mungesës së ujit të pijshëm dhe do të marrë 24 ORË UJË çdo ditë😊

*le të vazhdojnë të përqeshin e të shajnë ata që e kanë fjalën e keqe në majë të gjuhës, po fakti është se kjo qeveri po bën për ujin e pijshëm çka për dekada nuk u bë kurrë nga asnjë prej qeverive paraardhëse dhe ne do ta vazhdojmë punën pa u lodhur, e pa u çkurajuar nga sharjet e mallkimet e atyre që kanë nostalgji për vitet e rrumpallës “demokratike”, duke e parë politikën si tifozë të verbër futbolli e jo si mjet që i duhet lënë në dorë kujt di ta bëjë punën më mirë, në shërbim të vendit e të njerëzve.