Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Mali i Zi/ Pjesëmarrje e lartë në votime, rezultati pritet të jetë i ngushtë

Politiko 30 Gusht 2020, 19:27

Malazezët po votojnë për zgjedhjet parlamentare në të cilat as partia pro-perëndimore në pushtet dhe as aleanca rivale pro-serbe dhe pro-ruse nuk pritet të fitojnë shumicën e deputetëve.

Në këto votime vendoset edhe e ardhmja politike e Presidentit Milo Gjukanoviç. Ai udhëhoqi Partinë Demokrate të Socialistëve (DPS), e cila ka qeverisur Malin e Zi që nga fillimi i shpërbërjes së Jugosllavisë federale në vitin 1990, si dhe përgjatë shpërbërjes së unionit me Serbinë në vitin 2006.

[caption id="" align="aligncenter" width="650"]Presidenti Gjukanoviç, i shoqëruar nga bashkëshortja Lidija, duke shkuar për të votuar në një qendër votimi në Podgoricë (30 gusht 2020) Presidenti Gjukanoviç, i shoqëruar nga bashkëshortja Lidija, duke shkuar për të votuar në një qendër votimi në Podgoricë (30 gusht 2020)[/caption]

Zoti Gjukanoviç, një pro-perëndimor i vendosur, ka drejtuar përpjekjet ende në vazhdim të Malit të Zi për t'u kualifikuar për anëtarësim në Bashkimin Evropian, si dhe luajti rol të rëndësishëm për anëtarësimin në NATO në vitin 2017.

Qendra për Monitorim dhe Studim (CEMI) me seli në Podgoricë tha se pjesëmarrja ishte në 54.1% deri në orën 13:00, një rritje krahasuar me 39.9% të pjesëmarrjes në votimet e katër viteve më parë, kryesisht për shkak se partitë u kishin bërë thirrje mbështetësve të votonin përpara mesditës.

Qendrat e votimit mbyllen në orën 20:00. Rezultatet paraprake pritet të fillojnë të dalin nga ora 22:00.

DPS-ja përballet në këto zgjedhje me aleancën "Për të Ardhmen e Malit të Zi", të përbërë kryesisht nga parti nacionaliste serbe që dëshirojnë marrëdhënie më të afërta me Serbinë dhe Rusinë.

E udhëhequr nga profesori Zdravko Krivokapic, aleanca mbështetet nga Kisha Ortodokse Serbe me influencë, e cila organizon protesta të përditshme kundër një ligji të miratuar dhjetorin e kaluar që i lejon shtetit të konfiskojë pronat fetare, për të cilat nuk mund të provohet pronësia historike.

[caption id="" align="aligncenter" width="650"]Një mbështetës i opozitës valëvit një flamur të vjetër serb gjatë një proteste të udhëhequr nga kisha, ndërsa në sfond duket Kisha Ortodokse Serbe "Ringjallja e Krishtit", në Podgoricë (27 gusht 2020) Një mbështetës i opozitës valëvit një flamur të vjetër serb gjatë një proteste të udhëhequr nga kisha, ndërsa në sfond duket Kisha Ortodokse Serbe "Ringjallja e Krishtit", në Podgoricë (27 gusht 2020)[/caption]

Malazezët që vetë-identifikohen si serbë, përbëjnë rreth një të tretën e popullsisë prej 620 mijë banorësh.

Në ditën e zgjedhjeve të vitit 2016, autoritetet ndalën një përpjekje të agjentëve rusë dhe të një grupi nacionalistësh serbë për të rrëzuar qeverinë dhe për të vrarë zotin Gjukanoviç, në atë kohë kryeministër, për të ndalur anëtarësimin e vendit në NATO dhe për të sjellë në pushtet një aleancë pro-ruse.

Moska i ka hedhur poshtë vazhdimisht si absurde akuzat për përfshirjen e saj.

Pasi votoi në kryeqytetin Podgoricë, zoti Gjukanoviç u tha gazetarëve se ishte i bindur se shumica e malazezëve do të vendosnin për një "të ardhme evropiane dhe për ato parti që po hartojnë dhe zbatojnë një program të tillë politik".

DPS-ja ka 42 deputetë në parlamentin aktual prej 81 vendesh, por anketimet lënë të kuptohet se as kjo parti dhe as nacionalistët nuk pritet të sigurojnë një shumicë absolute, duke ia lënë kështu koalicioneve krijimin e qeverive.

Udhëheqësit e opozitës dhe aktivistët për demokracinë dhe të drejtat e njeriut e kanë akuzuar zotin Gjukanoviç dhe partinë e tij se e kanë qeverisur Malin e Zi si pronarë, të lidhur me krimin e organizuar.

Ata i mohojnë këto akuza dhe zoti Gjukanoviç, i cili duhet të rikandidojë në vitin 2023, si dhe bashkëpunëtorët e tij më të afërt e kanë akuzuar Serbinë dhe Rusinë se po përdorin kishën dhe opozitën pro-serbe për të dëmtuar pavarësinë e kësaj republike malore bregdetare.

[caption id="" align="aligncenter" width="650"]Peshkopi i Kishës Ortodokse Serbe, Amfilohije, në qendrën e votimit në Cetinje, 30 gusht 2020 Peshkopi i Kishës Ortodokse Serbe, Amfilohije, në qendrën e votimit në Cetinje, 30 gusht 2020[/caption]

Në një qendër votimi në Cetinjë, kleriku i lartë i Kishës Ortodokse në Malin e Zi, Mitropoliti Amfilohije, votoi për herë të parë në jetën e tij, në përpjekje për ta shtyrë elektoratin të votojë kundër koalicionit në pushtet. Ai tha se nuk pret që zgjedhjet të shkaktojnë trazira./VOA

Të fundit