Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mamaja dhe motra u vetëflijuan, flet xhaxhai i Blerta Josifit: Më thotë se do të ndjekë fenë

Politiko 7 Shtator 2020, 15:21
Mamaja dhe motra u vetëflijuan, flet xhaxhai i Blerta Josifit: Më

Blerta Josifi është e vetmja e mbijetuar e familjes pasi tentoi dhe ajo të vetëflijohej pas mamasë së saj, e cila zgjodhi këtë akt për t`ju bashkuar së bijës, Anisa. Historia e tyre ishte një nga më tronditëset në Shqipëri, pasi Zhaneta, mamaja e Anisës dhe Blerta (motra e saj), mbajtën për 1 vit e gjysmë trupin e vdekur të Anisës, në pritje të ringjalljes së saj.

Më pas vendosën të vetëflijoheshin dhe ato të dyja, por Blerta arriti të shpëtojë.

Mbi gjendjen e Blertës ka treguar xhaxhai i saj, i cili ishte i ftuar sot në "News 24" i cili ka shprehur shqetësimin e tij për mbesën, teksa thotë se ajo do të vazhdojë të ndjekë fenë:

“Blerta shprehet dhe është e bindur se mami dhe motra janë në gjirin e zotit, ajo pohon se do ta ndjekë këtë fe por që nuk do bëjë një veprim të tillë vetëflijimi për ringjallje. Unë nuk dua shumë që ti rikthej kujtesën se edhe sipas porosive të mjekut, nuk duhet ti rikujtojmë asgjë.”

I ftuar në emisionin me “Zemër të Hapur” ai tha se Blerta ende nuk është në gjendje të jetojë e vetme, madje nuk ka hequr as dorë nga besimi i saj. Xhaxhai rrëfen se Blertës nuk mund t’i besojë asgjë, pasi thotë deklarata kontradiktore rreth ngjarjes.

"Në fillim Blertës i shfaqeshin pamje dhe bërtiste ndërsa tani është pak më qetë. Pasi doli nga spitali ne i kemi qëndruar mbi kokë dhe nuk kemi neglizhuar për asnjë moment atë çka mjekët na pohuan pasi ajo përkeqësohet nga momenti në moment. Unë dhe familja e dajës së saj kemi marrë kujdestarinë e saj dhe po e mbajmë me radhë, tani ajo ndodhet te shtëpia e dajës, nuk e lejojmë asnjë moment vetëm, kur duhet të lëvizi dikush shkon dikush nga ne që qëndron me të.

Ne flasim, bisedojmë me të për të mësuar dhe parë se çfarë po ndodhë brenda mendjes së Blertës pasi unë jam shumë i shqetësuar, ajo duket sikur here-herë e ka logjikën tamam por here-herë duket e shqetësuar dhe nuk pohon më ato që mund t’i ketë thënë në fillim. Pikërisht për këtë jam edhe këtu sot pasi në atë shtëpi ku ndodhi krimi ajo nuk mund të kthehet më dhe ne nuk do ta lejojmë më këtë gjë, për punën e banesës i kërkoj shtetit nëpërmjet emisionit tuaj që të gjejmë një rrugëzgjidhje,"- është shprehur xhaxhai i Blertës për News24.

 

 

Të fundit