Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

 “Mami me sy të përlotur më përcolli në doganë”, Sonila Meço nostalgjike për udhëtimin e parë ‘jashtë shtetit’

Politiko 8 Shtator 2018, 22:44
 “Mami me sy të përlotur më përcolli në

Gazetarja dhe moderatorja e njohur Sonila Meço është rikthyer shumë vite pas dhe kujton me nostalgji kohën kur ishte një fëmijë, si dhe kur shkeli për herë të parë në tokën paraardhësve të saj, në Dibër të Madhe.

Ndërsa publikon sot një foto nga kjo zonë, që siç kujton Sonila, kur ishte fëmijë e cilëson si një vend ‘jashtë shtetit’, gazetarja rrëfen si ishte udhëtimi i parë në Dibër të Madhe e shoqëruar nga tezja, ndërsa mamaja e përcolli e përlotur në doganë.

“Pranë Dibrës së Madhe, gjysmës së rrënjëve të mia...

Udhëtimi im i parë “jashtë shtetit”, por në troje gjithsesi shqiptare ka qënë në vitin 1989, asokohe ish Jugosllavi. Unë isha fëmijë, mbesa, që shoqëroja tezen në udhëtimin e parë drejt vendit të babait të saj e gjyshit tim. Me një ndalesë në doganë për 101 këshilla, se çfarë lejohej jo vetëm të flisja, por edhe të dëgjoja nga “provokatorët” kundër sistemit.

Unë dija vetëm se po shkoja tek kushërinjtë e mi, andej m’anë tjetër ku dyqanet janë plot me çumçakëza e xhinse dhe ku do provoja për herë të parë bananet.

Mami im me sy të përlotur më përsëriste në doganë emra njerëzish të shtrenjtë për të, gjak i saj, që flisnin shqip si ne, por me dialekt të fortë e që kanë emra me më shumë kuptim se tanët😊.

Si tani e kujtoj, sesi nuk arrija të dalloja Dibër e Madhe në tabelat përtej kufirit, por veç Debar e i pëshpërisja tezes se mos po humbnim rrugën.

Pështypjet, që nga ajo kohë teksa rikthehem pas disa vitesh këtu janë të tjera, vitet kanë bërë të vetën mes kujtimeve të dikurshme e përjetimeve të sotme. Por çfarë ka mbetur njëlloj janë rrënjët dhe...lumi i bukur përgjatë udhës, ku prehet i harlisur gjelbërimi i pemëve me rrënjë të shtrenjta si të miat”, shkruan Meço.

Të fundit