Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Manastirliu këshillon 10 mjekët shqiptarë në Breshia: Bëni kujdes me veshjen, jeni krenaria jonë

Politiko 31 Mars 2020, 18:24
Manastirliu këshillon 10 mjekët shqiptarë në Breshia:

Ministrja e Shëndetësisë Ogerta Manastirliu zhvilloi një bisedë online me 10 mjekët shqiptarë që shkuan në Itali. Gjatë bisedës, mjekët i treguan ministres se çfarë detyrash kanë marrë në Spitalin e Breshias. “Ne mjekët filluam të gjithë punë sot, infermierët do të fillojnë nesër. Reanimatoret kanë filluar punë në reanimacion, ndërsa unë me gjithë doktoreshën tjetër jemi tek repartet e COVID subintensiv, në repartet e pneumologjisë. Ndërsa doktoresha që vinte nga Instituti i Shëndetit Publik është tek tamponët me gjithë dy mjekë të tjerë. Ndërsa dy mjekë janë vendosur në triazhim. Edhe infermierëve u kanë përcaktuar vendet dhe po i pajisin me veshjet e duhura dhe nga nesër do të fillojnë shërbimin”, tha Ermal Pashai, një nga mjekët e dërguar në Itali në misionin humanitar.

Ndërkohë, Ministrja Manastirliu i ka cilësuar mjekët si “krenaria jonë”, duke u kërkuar ndërkohë që të bëjnë kujdes me mbrojtjen personale. “Një këshillë kisha. E para forca dhe kujdes veten të gjithë ju, pra kujdes materialet e mbrojtjes personale, veshja e duhur për të mos rrezikuar veten. E dyta, ju jeni krenaria jonë, ne kemi besim tek ju dhe do të doja që nëpermjet jush dhe gjithë ekipit tjetër t’ju uroja suksese në këtë mission humanitar”, u shpreh Manastirliu.

Një nga kërkesat e mjekëve ishte që media t`i mirëkuptojë, duke arsyetuar se “duhet të përqëndrohemi te kjo punë për të cilën kemi ardhur”. Për këtë arsye, Manastirliu u kërkoi mjekëve të pëqëndrohen te puna, ndërsa në një moment të dytë, tha ajo, do të jetë koha për të ndarë eksperiencën.

Të fundit