Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Manjani: Kufizim me ligj për lobimin e qeverisë në SHBA, partitë e tjera kokat hënkshin! (dhe një kritikë për LSI)

Politiko 8 Dhjetor 2017, 19:14

Manjani: Kufizim me ligj për lobimin e qeverisë në SHBA,

Ish ministri i Djetësisë Ylli Manjani, përmes një statusi të publikuar në Facebook, ka dhënë mendimin e tij lidhur me lobimin që kanë bërë ose bëjnë partitë kryesore shqiptare në SHBA, prej shumë vitesh tashmë.

Manjani e sheh këtë si një praktikë të kotë dhe jodobiprurëse që nuk ka asnjë ndikim elektoral dhe as në marrëdhëniet mes dy shteteve.

Ja cili është shkrimi i plotë i tij:

Dashuri Amerikane...

———-

Nuk e kam kuptuar asnjëherë ngutin e partive tona politike (të paktën PD-PS-LSI) për të paguar Lobistë Amerikanë!!!

Një zell i hatashëm që përkthehet në mijëra dollarë të paguar për kompani amerikanësh të rënë nga pushteti atje.

Për çfarë na u dashka të Lobbojmë ne në Amerikë xhanëm?! Çfarë rolin kemi ne në politikën e brendshme Amerikane?! Për çfarë lobbojmë?!

Për hiç asgjë!

Maksimumi është që udhëheqësit e partive të bëjnë ndonjë takim në ndonjë zyrë shteti atje. Dhe krye maksimumi është të kapësh ndonjë foto të super paguar me Presidentin e Amerikës!

Edhe kur e bën atë foto, nuk ndryshon asgjë në jetën tonë. Vetëm se ekonomisë sonë të konsumit i mungojnë disa mijra dollarë!

Ideja se duke pasë një kompani amerikane që të këshillon apo të krijon lidhje në Amerikë të shton votat në Shqipëri është kot, por kot fare!

Asnjë votë e vetme nuk provohet që i shtohet partive tona nga kjo gjë!

Ndaj dhe nuk e kuptoj këtë rendje të pakuptimtë drejt kësaj mode idiote!

Deri diku, qeveria mund të ishte legjitime që të shpenzonte ca para nga taksat në këmbim të zgjidhjes së ndonjë çështje konkrete si psh, sjellja e ndonje investimi te huaj direkt apo heqja e vizave për qytetarët Shqiptarë. Por kurrsesi për një vizitë të Kryeministrit ne Shtepinë e Bardhë si qëllim në vetvete!

Ndoshta duhet vendosur me ligj një kufizim i tillë pë qeverinë.

Kursë partitë deri sa ta kuptojnë se e kanë kot këtë gjë që bëjnë, kokat hënkshin!

Do kishte qenë më eficente që me ato para partitë të punësonin specialistë shqiptarë, gra e burra të zotë e me shkolla në perëndim, që do ti ndihmonin partitë të përgatisin programe e politika për zhvillimin e vendit.

Ka shqiptarë sot edhe në Shqipëri që dinë ta bëjnë këtë gjë shumë më mirë dhe padyshim dhe më lirë.

Gjynah që partitë tona janë larg këtij realiteti. Ata prefereojnë të tregojnë me gisht njera-tjetrën se “sa dollarë harxhojnë” për të paguar Amerikanët!

Ndërsa Shqiptarët rrinë e presin për vizë, ose aplikojnë për të ikur!

Dashuri pa kuptim është ky “amerkanizëm”!

Ps. Ky arsyetim vlen edhe për LSI.