Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Maqedonia i lutet, Greqia nuk ndryshon qëndrim: Ndryshoni emrin që t’ju pranojmë në NATO

Politiko 14 Qershor 2017, 15:47

Maqedonia i lutet, Greqia nuk ndryshon qëndrim: Ndryshoni emrin që

Përmes urës së bashkëpunimit dhe vendosjes së besimit, t’i hapet rrugë zgjidhjes së kontestit kryesor, emrit!” Ky ishte mesazhi nga takimi mes kreut të diplomacisë së Maqedonisë, Nikolla Dimitrov dhe homologut të tij grek, Nikos Kotzias. Shefi grek i diplomacisë i premtoi mbështetje Maqedonisë në integrimin e saj euro-atlantik, por me kushtin që më parë të zgjidhet çështja e emrit.

E dimë se fqinji ynë dëshiron të jetë pjesë e disa organizatave ndërkombëtare. Ne jemi të hapur t’i mbështesim përpjekjet e tyre, me kusht që së pari të zgjidhim çështjen e emrit. Ky është kusht, në të cilin mund dhe duhet të punojmë për arritjen e një kompromisi të pranueshëm për të dy palët. Në mënyrë që t’i ndihmojmë vendet dhe shoqëritë tona se më e dobishme është kapërcimi i pengesave historike dhe të mos insistojmë në konflikte që nuk na çojnë askund- deklaroi ministëri i Jashtëm i Greqisë, Nikos Kotzias

Edhe Dimitrov riktheksoi nevojën për kthim drejt të ardhmes. Megjithatë, duke theksuar se demokracia evropiane e Maqedonisë, është edhe në interes të Greqisë, Dimitrov kërkoi ndihmë nga fqinji jugor që së pari Maqedonia të hyjë në NATO me referencën e IRJM-së e pastaj të fillojë negociatat për anëtarësim në BE.

Kërkoj mbështetjen e qeverisë dhe opinionit grek. Në këtë moment, na duhet një shtysë që të ecim në rrugën që duam të shkojmë. Ishim praktikisht të palëvizshëm për disa vite. Nuk kemi agjenda të fshehura. Duam të bëhemi miq me shtetin tuaj. Greqia do që i gjithë rajoni i Ballkanit Perëndimor, në pajtim me dëshirat e Ballkanit Perëndimor të bëhet pjesë e sistemit euro-atlantik. Pyetja është: në çfarë mase vetë shtetet e duan këtë. Nuk mund të prisni ne të dëshirojmë më shumë që ato të bëhen pjesë e strukturave euto-atlantike.Vullneti demokratik që e kemi është garanca më e mirë për gjetjen e zgjidhjes. Me diskutimet e sotme nuk do ta zgjidhim çështjen. Megjithatë ndërtojmë klimë pozitive. E kemi kornizën pozitive për zgjidhjen e kësaj çështjeje. Nuk është e mjaftueshme vetëm të kemi qëllime të mira, nevojiten përpjekje për gjetjen e zgjidhjes- tha nga ana tjetër Nikolla Dimitrov, ministër i Jashtëm i Maqedonisë.

Dimitrov, pavarësisht distancimit nga akuzat e gazetarëve për pretendime të përvetësimit të historisë, si dhe irredentizëm, me politikën e ndjekur deri tani nga qeveria e mëparshme e Maqedonisë, qartësoi se nuk bëhet fjalë për irredentizëm, pasi Maqedonia nuk pretendon të përvetësoj asgjë që nuk është e saj. Dimitrov u distancua nga përmendoret, emrat e rrugëve, aeroporteve, si dhe librat e ndryshëm, duke thënë se edhe për këto çështje mund të bisedohet e të gjendet zgjidhje e përbashkët.

Unë nuk jam nga ata që i japin rëndësi skulpturave, emrave. Mendoj se ajo i dëmton marrëdhëniet tona. Madje, mendoj se këto gjëra iu shkojnë për shtati atyre që nuk duan të kemi marrëdhënie të mira mes dy vendeve tona. Pasi, me këtë iu japim atyre argumente. Më pyetët se çfarë konkretisht do të ndërmarrim. Duhet punë, duhen ende takime. Megjithatë ne do të gjejmë mënyrë që t’i lehtësojmë këto diskrecione në marrëdhëniet tona– përfundoi Nikolla Dimitrov.

Dimitrov nuk zbardhi më shumë detaje se si do të veprojë tani Shkupi Zyrtar në lehtësimin e përshtypjes së përvetësimit të historisë, por kjo i mbetet qeverisë së re për të treguar hapa konkretë. Kocias në parapritë, komentoi se Maqedonia duhet të mësojë bëjë kompromise dhe të distancohet nga fakti që problemin gjeografik ta shndërrojë në problem identiteti. Megjithatë, Kocias e la hapur mundësinë për negocionim, me qeverinë e re të Maqedonisë, duke shpallur edhe takimin e radhës në Tetor, në Shkup. (Alsat)