Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Masakra në Zelandën e Re, familjarët e viktimave dhe të mbijetuarit e sulmit të xhamisë përballen në Gjykatë me vrasësin

Politiko 26 Gusht 2020, 12:03

Masakra në Zelandën e Re, familjarët e viktimave dhe të

Të mbijetuarit dhe familjarët e viktimave të vrarë në sulmin terrorist në dy xhami të Zelandës së Re, janë përballur me personin që shkaktoi 51 të vdekur, në ditën e tretë të një seance katër ditore.

Brenton Tuarant, vrau 51 persona dhe plagosi shumë të tjerë në një akt terrorist në dy xhami të Zelandës se Re, vitin e kaluar.

29-vjeçari australian ka pranuar fajin për të gjitha këto akuza dhe do të përballet me burgim të përjetshëm, dënim ky i papërmendur (e jo më tepër vendosej) më parë në Zelandën e Re.

Lot, dhimbje, fytyra të mërzitura kishte ndërkohë që disa nga të mbijetuarit dhe të afërmit mbajtën fjalën e tyre në këtë seancë.

Këto janë disa nga deklaratat e fuqishme që ata bënë:

Sara Qasem, 24 vjeçe, babai i së cilës vdiq në një nga sulmet në xhami, iu drejtua autorit të masakrës duke thënë: "Emri im është Sara Qasem. Vajza e një burri të shkëlqyer, Abdelfattah Qasem, ju kujtohet ky emër? ”

Ajo foli për momentet e fundit të vdekjes së babait të saj, duke thënë: "Pyes veten nëse ai ishte në dhimbje, nëse ai ishte i frikësuar dhe cilat ishin mendimet e tij të fundit. Dhe uroj më shumë se çdo gjë në botë që të mund të kisha qenë atje për t’i mbajtur dorën dhe t’i thoja se do të shkonte mirë, por nuk munda t’a bëja këtë”.

Hamimah Tuyan, gruaja e Zekeriya Tuyan, i cila luftoi për 48 ditë para se t’iu dorëzohej plagëve të marra, tha: "Asnjë sasi parash nuk mund të sjellë përsëri babanë e djemve të mi dhe burrin tim. Më mungon gatimi i tij, shakatë, gërhitjet e tij. Ai ishte truproja im, argëtuesi im, ngushëlluesi im, shoqja ime më e mirë".

"Djali im i madh ka vetëm pesë vjet kujtime me babanë e tij, më pyeti, pse e vrau babain? Për t'i ndihmuar fëmijët të kuptojnë, unë u shpjegoj atyre se njeriu injorant është si djali në parashkollorin e tyre që nuk di të luajë me fëmijët e tjerë në parashkollë, kështu që ai komunikon dhe shpreh frikën e tij duke i goditur së pari.

Unë e shoh dhimbjen në sytë e djalit tim ndërsa shikon djem të tjerë duke mbajtur duar, duke luajtur me baballarët e tyre - si mundem unë, mamaja e tyre, t'i ngushëlloj zemrat e tyre të mërzitura?

Tani baba i tyre nuk do të jetë këtu për të festuar sukseset e tyre në të ardhmen - ata nuk do ta kenë atë që t'i udhëheqë ato me shembull”,-tha ajo e përlotur.

“Por aktet e tua të urryera sollën mijëra Zelandesë së bashku në solidaritet me ne, unë ndjehem sikur ti je viktima këtu - ne jemi të mbijetuarit ”, shtoi më tej Tuyan.

Ahad Nabi, i cili humbi babanë e tij të moshuar Haxhin në xhaminë Al Noor, i veshur me një fanellë të ligës së Rugby të Luftëtarëve në Zelandën e Re, Ahad nuk e mbajti zemërimin e tij kur foli për Tuarant.

Duke e quajtur Taurant një “magjistar”, ai vazhdoi duke thënë: "Babai juaj ishte një plehrë dhe ju u bëtë plehra e shoqërisë.

Ai gjithashtu i bëri thirrje gjyqtarit që të sigurohet që "ky vrasës kurrë të mos lejohet të dalë kurë nga burgu gjatë gjithë jetës së tij”.

Maysoon Salama, nëna e Muhamed Ata Elayyan shpërtheu në lot kur foli për momentet e fundit para vdekjes së djalit të saj. Zonja Salama u mbështet nga miqtë dhe familja ndërsa foli në gjyq, duke thënë se si nënë, zemra e saj ndiente dhimbje përsëri dhe ishte e thyer.

"Unë vazhdimisht përpiqem të imagjinoj se si është ndjerë djali im Ata në momentin e sulmit", tha ajo.

"Si u përball me revole ... çfarë ishte në mendjen e tij kur e kuptoi se ky ishte udhëtimi i tij i fundit? Ju i dhatë vetes autorizimin për të marrë shpirtrat e 51 njerëzve të pafajshëm, krimi i tyre i vetëm në sytë tuaj është të jesh musliman "

Wasseim Sati Ali Daragmih, i cili ishte me vajzën e tij në Xhaminë Al Noor ku u qëlluan me armë disa herë. Daragmih ishte sfidues kur mbajti deklaratën e tij ndërkohë që i drejtohej Tauran-itt.

"Mirëdita të gjithëve - përveç teje", tha ai. "Fatmirësisht ne kemi mbijetuar sepse ju nuk dini ende si të përdorni një armë” .

Wasseim Daragmih tha se Taurant kishte dështuar në misionin e tij. Vetë Taurant shpërtheu duke qeshur, pastaj kapi veten dhe e mbuloi gojën.

Fjalët e Daragmih shpejt u bënë serioze, duke thënë se Taurant kishte "dështuar" për të shkatërruar bashkësinë e tyre.

"Ju mendoni se veprimet tuaja kanë shkatërruar komunitetin tonë dhe kanë tronditur besimin tonë, por ju nuk keni pasur sukses. Ju na keni bërë të bashkohemi me më shumë vendosmëri dhe forcë", tha ai.

"Kështu që ju keni dështuar plotësisht”.//Burimi BBC// Përktheu dhe Përshtati: Politiko.al