Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Masat e qeverisë, shkrimtarja Açka: Më kujtojnë komunizmin, kur merrje leje për të blerë bukë

Politiko 16 Prill 2020, 13:35
Masat e qeverisë, shkrimtarja Açka: Më kujtojnë

Shkrimtarja Flutura Açka nuk bie dakort me masat e qeverisë për frenimin e Covid-19, madje ka kritikuar ashpër vendimet mbi masat ndëshkuese. Përmes një lidhjeje Skype për emisionin “Vizioni i Pasdites” shkrimtarja u shpreh se gjuha e terrorit nuk është mënyra e duhur për ndërgjegjësim.

Sipas shkrimtares disa masa janë të domosdoshme, por e quan absurd faktin që disa ditë të ketë liri dalje e ditë të tjera izolim total. Ajo tha se leja e kufizuar në kohë për të dalë, i kujton periudhën e komunizmit.

“Duhet të kuptojmë mirë mënyrën si transmetohet mesazhi. Kur thua luftë është luftë e mirëfilltë. Me ushtarë, gjoba, masa ndëshkuese dhe tmerrojnë njerëzit me 15 vite burg, kur kriminelin se kanë futur në burg. Më duket kaq hipokrite kjo gjuhë.

Janë të njëjtët personazhe që nxjerrin citate fetare nga kurani, bibla dhe janë këta njerëz që marrin këto masa. Ti thua që jetën ta merr Zoti dhe nga ana tjetër, jetën ta mbroj unë, kjo është hipokrite, fshihen pas Covid-it me masat që kanë marrë. Parlamenti nuk u kujtua një muaj e gjysmë të mblidhet dhe asnjë vizitë qytetarëve me maska. Këta deputetë më duken shumë hipokritë dhe nuk shkojnë te qytetarët e tyre. Masat janë të domosdoshme dhe është obligim i çdo shteti dhe qeverie. Nuk ka keqkuptim për këtë. Nuk rrinë në logjikën time që gjatë javës lëviz dhe në fundjavë 3 ditë nuk lëviz. Ka absurditete që nuk i kuptoj dot. Më kujton komunizmin që duhet me marr një orë leje, për të blerë qumësht dhe bukë”, tha shkrimtarja.

Të fundit