"Mbi 11 deputetë të opozitës pro marrëveshjes", Maliqi: Votoni për integrimin, të mos e lejojmë Ramën të bëjë lojra

Deputeti i opozitës parlamentare Lefter Maliqi ka deklaruar se janë 11 deputetë të cilët që prej datës 6 qershor janë shprehur pro marrëveshjes ndërsa emrat do të dalin hap pas hapi.

Në një prononcim për mediat, pas vetëdeklarimit pro të votimit të marrëveshjes së 5 qershorit nga 4 deputetët e parë, Maliqi ka bërë thirrje që të kalohet sa më shpejt të jetë e mundur reforma, si një nga parakushtet kryesore të integrimit në BE.

“Jemi mbi 11 deputetë që i shërbejmë integrimit të vendit. Jemi shumë të vonuar. Edhe sot numri 2 i parstisë së Merkel tha që të votojmë marrëveshjen e 5 qershorit. I bëj thirrje deputetëve të tjerë mos t’iu përdorë Edi Rama, ndaj hajdeni dhe votoni pro integrimit. Marrëveshjen e bëmë në sy të ndërkombëtarëve ndaj s’kemi pse të fshihemi dhe të shkojmë ta votojmë sa më parë. Tashmë janë 86 vota dhe të shkojmë ta votojmë Reformën Zgjedhore dhe mos të lejojmë Ramën të bëjë lojra. Janë mbi 11 deputet pro marrëveshjes, shqiptarët ta dinë se ne jemi një gati që një orë e më parë të shkojmë në zgjedhje”, deklaroi Maliqi.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm