Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Mbi 25 marrëveshje për proceset zgjedhore, politologu publikon dokumentin e vitit 1991 me firmat e partive

Politiko 1 Qershor 2020, 08:58

Në vazhdën e debateve dhe takimeve intensive për arritjen e një marrëveshjeje për Reformën Zgjedhore, politologu Afrim Krasniqi kthehet pas në kohë për të treguar se nga viti 1991 e deri tani janë firmosur mbi 25 të tilla për proceset zgjedhore.

Duke publikuar dokumentin e parë me firmat e partive, Krasniqi nënvijëzon se megjithë paktët e herëpashershme, Shqipëria vijon të jetë një vend ku ende nuk ka pasur zgjedhje të lira, të barabarta dhe të ndershme.

“Kohë (mos)marrëveshjesh për zgjedhjet! Historia e tyre në Shqipëri nisi në janar 1991 dhe dy është dokumenti i parë. Shikoni me kujdes: firmosin partitë kryesore të opozitës së sapokrijuar bashkë me organizatat satelite të PPSH. Prej atëherë janë nënshkruar mbi 25 marrëveshje të tjera, shumica për proceset zgjedhore. Rezultati dihet: Shqipëria vijon të jetë një vend ku ende nuk ka pasur zgjedhje të lira, të barabarta dhe të ndershme.

Nuk janë marrëveshjet që i sigurojnë standardet, thelbësore është vullneti politik i shefave dhe militantëve ndjekës që administrojnë realisht kandidatët dhe zgjedhjet. Edhe debati i tanishëm bëhet më shumë për të qenë korrekt me partnerët ndërkombëtarë sesa për zgjedhësit shqiptarë, më shumë për të “shtyrë kohën” me politikë boshe sesa për reformë të vërtetë. As identifikimi biometrik dhe as numërimi elektronik, as caktimi i anëtarit të 7-të jashtë partive dhe as rritja e financimit apo rritja e kuotave gjinore nuk janë reformë dhe as nuk sigurojnë standarde zgjedhore. Ato mund të ndihmojnë, por nuk janë thelbësore. Sa herë merret një masë partitë shpikin një formë tjetër manipulimi dhe p.sh, zgjedhjet 2017 nuk u cenuan momentin/ditën e votimit, por gjatë fushatës elektorale.

Vetë fakti se ka bisedime të fshehta (jashtë medias), nuk ka platforma të shkruara publike, nuk cenohet natyra dypartiake e KQZ, nuk hiqet dorë nga militantët partiakë në komisione, nuk debatohet për sistemin zgjedhor, nuk flet askush për reformimin e ligjit të partive politike dhe reformat brenda tyre, si p.sh, detyrimi për primare në zgjedhjet në parti, apo nuk ka debat mbi detyrimin e partive për të bërë transparencën financiare, - dmth, kjo nuk është reforma e pare dhe as e fundit, por një deja vu, prej të cilës tymi i bardhë dhe i zi nuk kanë shumë dallim dhe në fund të ditës tym/mjegull mbetet, ashtu siç partitë kanë dashur, duan e do të duan! Është normale për sa kohë partive që janë përgjegjës për manipulimet e votave u kërkojmë të bëjnë reformë kundër vetes, kundër interesit të tyre primar, - fitores me çdo kusht, si dhe kundër modelit të tyre të brendshëm politik, ku gjithashtu prej mesit të viteve ’90 nuk ka pasur më zgjedhje të lira e të ndershme”, thekson Krasniqi.