Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Mbledhja e qeverive Shqipëri-Kosovë, marrëveshjet do finalizohen deri më 10 nëntor

Politiko 28 Tetor 2017, 11:55
Mbledhja e qeverive Shqipëri-Kosovë, marrëveshjet do finalizohen

Qeveria shqiptare është e interesuar për thellimin e bashkëpunimit me Kosovën dhe në këtë kuadër, në mbledhjen e përbashkët mes dy qeverive më 27 nëntor, në Korçë, do të miratohen edhe një sërë marrëveshjesh bashkëpunimi.

Kjo u konfirmua gjatë takimit në Tiranë, mes Kryeministrit Edi Rama dhe Zëvendëskryeministrit të Republikës së Kosovës, Fatmir Limaj, i cili po zhvillon një vizitë zyrtare në Shqipëri. Palët kërkuan që marrëveshjet që  do të zyrtarizohen në mbledhjen e përbashkët më 27 nëntor, të finalizohen deri në datën 10 nëntor.

Zëvendëskryeministri Limaj shprehu vullnetin e Qeverisë së Kosovës për zbatimin e marrëveshjeve të arritura deri më tani, por edhe për konkretizimin e marrëveshjeve të reja para mbledhjes së 27 nëntorit.

“Janë një numër marrëveshjesh konkrete të cilat duhet të fillohet të implementohen dhe për nënshkrimin e marrëveshjeve të reja. Si Qeveri e Kosovës jemi të vendosur që marrëveshjet e arritura deri më tani të mos mbeten në letër, por të zbatohen në praktikë”, tha Limaj.

Gjatë vizitës në Tiranë, Limaj u takua edhe me ministrin për Evropën dhe Punët e Jashtme, Ditmir Bushati.

Zëvendëskryeministri Limaj është caktuar si përgjegjës për udhëheqjen e politikave ekonomike mes Kosovës dhe Shqipërisë. Kjo detyrë i është dhënë zëvendëskryeministrit Limaj me qëllim thellimin e bashkëpunimit ndërshtetëror dhe mbikëqyrjes së zbatimit të marrëveshjeve të arritura dhe atyre që do të nënshkruhen në të ardhmen.

Të fundit