Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mbrojtja e politikanëve të korruptuar në Kuvend, Basha kundër nismës së PS: Rama kërkon të jetë gjykatësi; SPAK-u do kthehet në OJQ

Politiko 18 Janar 2018, 12:01

Kreu i Partisë Demokratike, Lulzim Basha është shprehur kategorikisht kundër propozimit të Partisë Socialiste për të ndryshuar rregulloren e Kuvendit, specifikisht nenin 118 që jep “autorizimin për procedimin” e deputetëve.

Basha e konsideroi këtë ligj të posaçëm të PS si një përpjekje të kryeministrit Edi Rama për mbrojtur “peshqit e mëdhenj” nga drejtësia. Sipas Bashës, ky ligj e kthen Ramën në gjykatës, ndërsa SPAK-un dhe Byronë e Hetimit që parashikohet të ngrihen në kuadër të reformës në drejtësi dhe që do të hetojë politikanët e nivelit të lartë, e shndërron në një Organizatë Jo Qeveritare.

Ky është modeli me të cilin Rama mbrojti Saimir Tahirin, tha Basha, duke u bërë thirrje qytetarëve që të ngrihen në protesta dhe të kundërshtojnë shndërrimin e Kuvendit në Gjykatë dhe të Ramës në gjykatës.

Reagimi i Lulzim Bashës:

Edi Rama ka propozuar një ligj të posaçëm, ky është një ligj i posaçëm, i prezantuar gjoja si ndryshim i rregullores, për të mbrojtur ‘peshqit e mëdhenj’. Të gjithë ata që prisnin arrestimin dhe vënien para drejtësisë së ‘peshqve të mëdhenj’, tani duhet të kënaqen me cironka.

Ligji propozon që Gjykata të jetë Kuvendi, që Prokuroria t’i paraqesë provat në Kuvend dhe që gjyqtari të jetë Edi Rama. Kjo do ta kthejë SPAK-un dhe Byronë e Hetimit në një OJQ sepse i gjithë pushteti për të vendosur nëse politikanët e korruptuar do të dalin përpara drejtësisë, do të jetë i mazhorancës, do të jetë Edi Ramës. Me këtë akt, Edi Rama po kthen në ligj modelin me të cilin mbrojti Saimir Tahirin. Më këtë ligj, të gjithë shqiptarët që presin rezultate nga reforma në drejtësi, e panë se si Edi Rama e ktheu Kuvendin në Gjykatë dhe nuk lejoi që Saimir Tahiri të përballet në gjykatë me provat që akuzojnë për trafik ndërkombëtar droge. Këtë model, Edi Rama po e shndërron në ligj dhe më këtë model ai po zhbën shtyllën kryesore të reformës në drejtësi që është mundësia që prokurorët dhe gjyqtarët të vendosin përpara drejtësisë këdo, përfshirë edhe politikanët e inkriminuar. Me të gjitha këto akte që ka ndërmarrë deri më sot dhe me atë që po propozon, nuk po bën gjë tjetër veçse po zhbën reformën në drejtësi. Po merr masa që asnjë ministër i korruptuar dhe asnjë deputet i korruptuar të mos dalë përpara drejtësisë, por të mbrohet nëpërmjet akteve politike të mazhorancës.

Pa pikë dyshimi, Partia Demokratike do ta kundërshtojë fuqishëm këtë akt që ka një dhe vetëm një synim, zhbërjen e reformës në drejtësi dhe që asnjë peshk i madh të mos dalë përpara gjykatave, por që qytetarët e ndershëm të kënaqen me cironka.

Nuk ka për të patur konsensusin tonë as për këtë dhe as për hapa të tjerë që kërkojnë të mbulojnë gjurmët e krimit kushtetutes. Që nga18 dhjetori, Edi Rama dhe mazhoranca e tij janë në panik të thellë. Këto janë hapa të njerëzve në panik të thellë që po bëjnë gjithçka për të mbrojtur nga reforma në drejtësi.

Vota kundër është ajo që ka në dorë opozita, të tjerat i kanë në dorë qytetarët, të cilëve u bëj thirrje që edhe për këtë arsye të marrin pjesë në protestën e 27 janarit.

Ndryshimi i kërkuar nga PS për rregulloren:

“Kërkesa për të autorizuar caktimin e masës së sigurimit të arrestit në burg ose në shtëpi, heqjes së lirisë në çfarëdolloj forme, kontrollit personal ose të banesës, i paraqitet kryetarit të Kuvendit nga Prokurori. Kërkesa përmban një relacion të arsyetuar dhe të shoqëruar me provat që mbështesin kërkesën”, thuhet në nenin e rregullores së propozuar nga mazhoranca.