Politiko.al

Mirëmëngjes “Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected] ■Teatri Kombëtar është shembur mëngjesin e kësaj të diele. Fadromat e Inspektoriatit të Mbrojtjes së Territorit kanë ndërhyrë për të shembur godinën rreth orës 04:30. ■ U tensionua situata në oborrin e Teatrit Kombëtar ku qytetarë e aktivistë të shumë po protestojnë kundër shembjes gjatë natës së godinës së Teatrit Kombëtar. Policia ka shoqëruar një numër të madh personash, mes tyre edhe gazetarin dhe analistin Alfred Lela. ■ Pamjet nga lart, si u kthye teatri në një grumbull rrënojash.Në rrjetet sociale kanë qarkulluar pamjet nga lart të asaj që ka mbetur tashmë nga godina e TK.

■ Shembja e godinës, Aleanca për Mbrojtjen e Teatrit do të çojë në SPAK ministra e drejtorë

Aleanca ka gati dy padi. 

■ Aleanca për Teatrin ka lajmëruar se ditën e nesërme në orën 16:30 do të organizohet një protestë përballë ministrisë së Brendshme.

Sipas regjisorit Budina “ftohen të gjithë pjesëmarrësit të protestojnë nesër para ministrisë së brendshme kundër një akti terrorist ndaj aktorëve.” ■ Në njoftimin e fundit për lehtësimin e masave kryeministri Rama lajmëroi edhe një ndryshim për studiot televizive ku deri më sot lejohej një i ftuar, në kuadër të masave anti-Covid. Në postimin në Facebook, kryeministri sqaroi se qeveria do të ndryshojë nesër aktin normativ për heqjen e ndalesës së studiove tv për të ftuar jo më shumë se një person.