Me pantallona jeshile dhe bluze me vija, për vrap buzë detit; Meta video-mesazh dhe një ftesë të veçantë për Klubin Celtic

Një fundjavë e “ngarkuar” me mesazhe ka qenë ajo e Presidentit Meta ditën e sotme. Ndërsa pak minuta më parë Kreu i Lartë i Shtetit surprizoi me një mesazh kundër racizmit, gjatë mëngjesit të sotëm Meta ka publikuar një video në Twitter, ku shihet duke u stërvitur- sikurse shprehet edhe vetë ai- në plazhet e Durrësit “për fitoren e 10-të radhazi të kampionatit skocez nga Celtic”. Ndërsa iu uron një të diel të shkëlqyer të gjithë miqve keltë, Presidenti Meta i fton ata të vizitojnë Shqipërinë për pushime verore. Postimi i Presidentit ka bërë jehonë në mediet skoceze, ku “The Celtic Star”- një nga gazetat më të rëndësishme skoceze- i ka kushtuar një artikull ku shkruan “Presidenti i Shqipërisë stërvitet për fitoren e 10 radhazi të kampionatit skocez nga Celtic”. "Presidenti i Shqipërisë, Ilir Meta, ka qenë një tifoz i madh i Celtic qysh kur Rudi Vata luajti për këtë klub.  Ai ka përvetësuar vlerat dhe identitetin e ekipit dhe shikon çdo ndeshje me fanatizëm. Meta gjithashtu poston plot pasion për të gjitha gjërat e Celtic, teksa drejton vendin dhe zgjidh punët aktuale! Sot, në Durrës, Presidenti Meta vrapoi buzë detit në një fanellë keltike duke bërë një gjest me duar – dhjetë, duke nënkuptuar edhe fitoren e 10 radhazi të kampionatit nga Celtic FC", shkruan “The Celtic Star”,

Today in Durrës, training for our 10th Premiership Champions in a row! Flaming hugs for all my Celt friends and have a great Sunday! You are welcomed to visit beautiful Albania🇦🇱 for the summer holidays! I promise you won’t be disappointed! Hail Hail! 🍀🍀#CelticFC 💚 pic.twitter.com/9gdAs8Smmd

— Ilir Meta (@ilirmetazyrtar) June 7, 2020