Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Më thonë ‘vllau i Vuçiçit’, Rama në emisionin në Kosovë: Presidentin serb e kam mik, Kurti më lëndoi me gënjeshtra

Politiko 19 Maj 2020, 08:13
“Më thonë ‘vllau i Vuçiçit’, Rama

Kryeministri Edi Rama ka komentuar raportet e tij me kryeministrat e Kosovës me të cilët ka patur edhe përplasje në distancë si Ramush Haradinaj dhe ai në detyrë, Albin Kurti, por edhe me presidentin serb, Aleksandar Vuçiç.

I ftuar në emisionin Pressing në T7 në Kosovë, Rama tha se me dy kryeministrat e Kosovës është lënduar prej gënjeshtrës.

‘’Ajo që më ka lënduar shumë nga Ramushi është gënjeshtra. Ajo që më lëndon nga Albini është gënjeshtra. Unë me këtë kam shumë problem. Gënjeshtra publike kur flasin për çështjen e teatrit. Ç’do të thotë kjo? Nuk do të thotë se policët duhet të mbronin teatrin dhe jo rrëzimin. Nga kush ta mbrojnë? Nga hajdutët?’’, tregon Rama, teksa shtoi se të bësh akuza në drejtim të dikujt tjetër, sidomos ndaj kryeministrit të Shqipërisë është e rëndë.

“S’mund ta çoj në mend që unë të bëj akuza në Kosovë. Çfarë duhet të them unë se në veriun e Kosovës ligji dhe rregulli për pandeminë është ligji i vendosur në Beograd. Duhet të bëj akuzë? e tu tregoj këtyre që më thoshin ‘vllau i Vuçiçit’, se unë me të vërtetë me presidentin e Serbisë kam një marrëdhënie të hapur, edhe miqësore po të doni por kurrën e kurrës nuk e kam menduar që Veriu i Kosovës do t’i nënshtrohej 100% rregullave dhe ligjeve të Serbisë në këtë kohë pandemie p.sh. Duhet të akuzoj tani? Tjetër flasim, e tjetër bëjmë”, tha Rama.

Të fundit