Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Mediat e Ramës më sulmojmë paturpësisht”, sociologu Mërtiri sqaron të vërtetën e komentit mbi zjarret në Greqi

Politiko 27 Korrik 2018, 11:25

“Mediat e Ramës më sulmojmë paturpësisht”,

Në disa media qarkulloi lajmi se sociologu Ergys Mërtiri ngazëllehet për viktimat e zjarreve në Greqi. Marrë shkas nga shtrembërimi i deklaratës, sociologu Mërtiri ka reaguar në Facebook duke sqaruar sipas tij, si qëndron e vërteta e komentit të tij.

Duke u distancuar nga politika, Mërtiri sqaron se në fjalinë e parë të komentit të tij në Facebook ka shprehur ndjeshmërinë ndaj viktimave; “Ndjej keqardhje per cdo jete te humbur ne Greqi. Vdekja eshte e tmerrshme dhe të trishton kudo ku e sheh. Solidariteti njerëzor duhet të qëndroje përmbi dallimet tona etnike, racore apo ideologjike.”

Por, më tej ai thekson se përballë tragjedish të tilla nuk ka përse të hyjë në referencë fqinjësia.

“Viktimat janë individuale dhe nuk mund ti përkasin nocioneve kolektive të konstruktuara me të cilat ne shenjojmë grupe njerëzish, siç është edhe koncepti "popull grek", "popull shqiptar" etj. Populli nuk ekziston si një njësi organike, ndaj nuk mund të thuash se ai po vuan një tragjedi ndaj së cilës duhet të solidarizohemi, si populli ndaj popullit”, shton më tej ai.

Reagimi i Ergys Mërtirit:

Mediat e Ramës më kanë sulmuar personalisht duke shtrembëruar në mënyrë të paturp, hapur dhe qëllimisht komentet e mija mbi ngjarjet në Greqi.

Fillimisht Gazeta Tema, e më pas një lukuni portalesh që punojnë si togë pushkatimi ndaj gjithkujt që bezdis qeverinë me mendimet që shfaq, shkruajtën se unë paskësha bërë një koment ku ngazëllehesha për viktimat e zjarreve në Greqi.

Duke u kujdesur të theksojnë që në fillim se unë qenkam një komentues që përfaqësoj PD-në, ata përpiqen që, në këtë mënyrë, të përdorin mashtrimin dhe shtremberimin e fjalëve të mija, si mjet për të goditur mua dhe opozitën. Në fakt, unë nuk jam as anëtar e as militant i Partisë Demokratike, dhe nuk bëj pjes në asnjë forum apo organizim të saj. Nëse shkruaj kundër Edi Ramës dhe jam angazhuar në disa protesta kundër tij, kjo vjen sepse qeverisjen e tij e shoh si një mynxyrë për këtë vend, si asnjë qeveri tjetër më parë. Por përpjekja për të krijuar lidhje politike në një koment krejt normal dhe fare individual timin, është thjesht dhe vetëm mjerane, që tregon nivelin e qelbit që ka pushtuar mendjet dhe shpirtrat e atyre që janë në anën e këtij pushteti.

Në të vërtetë, që në rreshtin e parë të komentit tim në facebook, kam shprehur, e zeza mbi të bardhë, ndjeshmërinë time ndaj viktimave:

“Ndjej keqardhje per cdo jete te humbur ne Greqi. Vdekja eshte e tmerrshme dhe te trishton kudo ku e sheh. Solidariteti njerezor duhet te qendroje permbi dallimet tona etnike, racore apo ideologjike.”

E si mund të thuash se qenkam ngazëllyer për viktimat? Por, nga ana tjetër, jam përpjekur të sqaroj gjithashtu se kjo keqardhje nuk duhet të ngatërrohet me përgjithësime konceptesh me domethënie politike si “fqinjësia e mire”:

“Po te jete per fqinjesi ata kane qene fqinj te keqinj per ne. Na kane marre territor, na kane vrare, persekutuar, perzene nga shtepite dhe ende nuk i pranojne krimet e tyre. Natyrisht une arrij te dalloj grekun e thjeshte nga politikat shoviniste te vendit te tij dhe nuk fajsoj cdo grek tek e tek per to. Prandaj dhe them se solidariteti dhe empatia qe i adresohet njeriut si qenie njerezore nuk duhet te ngaterrohet me nocione kolektive njesish etniko-politike si fqinjesia.”

Mund të diskutojmë sa të doni nëse biem apo nuk biem dakort në këtë që unë mendoj, por nuk ka njeri që gëzon një shëndet mendor normal, që të mos kuptojë se këtu nuk ka kurrfarë ngazëllimi për viktimat apo urrejtje për grekët. Në bindjet e mija unë mbroj nacionalizmin humanist, që kërkon një rregullim të shtetit-komb në harmoni me të drejtat dhe dinjitetin e kombeve të tjerë, përfshi këtu madje dhe ata me të cilat kemi probleme. Nuk ka kuptim sesi të jem antigrek, e aq më tepër të gëzohem për viktima të pafajshme nga një fatkeqësi dramatike si kjo.

Ajo çfarë kam shprehur në statusin tim në facebook është se përballë tragjedish të tilla nuk ka përse të hyjë në referencë fqinjësia. Natyrisht, ta kesh më pranë tragjedinë të bën më të ndjeshëm sesa kur ajo ndodh, bie fjala në Afrikë apo Australi, pavarësisht se, virtyti e do që, tragjedinë ta vlerësosh njëlloj, kudo ku ajo ndodh. Por, kur "fqinjësia" përdoret si nocion përtej gjeografisë dhe këmbimeve normale mes popujve, termi prodhon një nonsens. Për këtë e shoh si të tepërt përfshirjen e fqinjësisë në empatinë normale njerëzore ndaj viktimave.

Nga ana tjetër, në një plan konceptual, unë e shoh si pa sens dembsurinë e shprehur në mënyrë kolektive ndaj një populli të tërë, gjë që bën pa dashur spostimin e çështjes, nga rrafshi human në një truall politik. Viktimat janë individuale dhe nuk mund ti përkasin nocioneve kolektive të konstruktuara me të cilat ne shenjojmë grupe njerëzish, siç është edhe koncepti "popull grek", "popull shqiptar" etj. Populli nuk ekziston si një njësi organike, ndaj nuk mund të thuash se ai po vuan një tragjedi ndaj së cilës duhet të solidarizohemi, si populli ndaj popullit.

Ky është qendrimi im dhe çdo përpjekje për të abuzuar duke e paraqitur atë si antigrek apo edhe më keq, si antihuman, është një abuzim bastardësh të motivuar politikisht. Politika e shantazhit që media të tilla i bëjnë çdo njeriu që nuk i shkon pas avazit pushtetit, vret klimën e debatit dhe lirinë e të shprehurit, duke i bërë të gjithë ata që kanë diçka për të thënë, të stepen dhe të tërhiqen në privatësinë e tyre.

Opinioni duhet të reagojë ndaj kësaj klime që po vret mendimin e lirë duke ia lënë në duar hapësirën e mendimit dhe reagimit militantëve që zbrazin mllefe e fyerje nga më patetiket, pa kuptuar fare se çfarë po sulmojnë, e madje edhe pa lexuar as shkrimin e atij që fyejnë. Nëse kjo klimë tolerohet, opinioni publik do të mbetet peng i psikopatëve, injorantëve dhe analfabetëve.